Bekendes in die bedryf bring hulde aan die aktrise en skrywer, Crystal-Donna Roberts, wat op 6 Maart 2025 oorlede is.

Beethoven se Triple Concerto is een van die werke wat 'n tjellis graag sal wil uitvoer. Terrance April gesels met Anmari van der Westhuizen oor 'n uitvoering van dié werk as deel van die JFO se konsert op 20 Maart 2025.

As huldeblyk kan jy luister na ‘n dokumentêr uit 2008, saamgestel deur Margot Luyt.

Die gevierde dramaturg, Athol Fugard, sterf op 8 Maart 2025.

Terrance April praat met Tinarie van Wyk-Loots oor die komedie, Moedswil en Muitery, wat te sien is by die KKNK. Die stuk is geskryf deur Ingrid Winterbach.

Kaapstad kry sy eerste houtblaasfees, bestaande uit ‘n kompetisie, meestersklasse en konserte.

The Incredible Journey of Tinkerbell van Tonder is deur Amanda Strydom geskryf vir die heel eerste KKNK jare gelede. Amanda keer vanjaar terug na die fees met hierdie vertoning.

KKNK-feeskunstenaar Henk Serfontein vertel van die drie uitstallings waarby hy betrokke is.

Petru Wessels is vanjaar te sien by die KKNK in die vertaalde toneelstuk, Die vrou met 27 kinders, wat sy laas in 1996 by die fees gedoen het.

Terrance April het onlangs 'n konsert bygewoon waar die tjellis, Bertine van Schoor, en die pianis, Megan-Geoffrey Prins, die gehoor getrakteer het op musiek uit die Ooste. Dit is 'n uitsonderlike program van minder bekende werk, wat 'n visuale prentjie skets oor 'n roete langs die antieke Syroete. Die titel is MUSIC ALONG THE SILK ROUTE.