Sue Dieperveen vertel vir Christelle Webb-Joubert van haar nuwe eenvrou-komedie, MS. B-HAVED, wat gaan oor uitdagings in die onderwys.

Terrance April gesels met Dirk Badenhorst, Mzansi Ballet se bestuurshoof, en die sanger Logan James, oor die ballet, PRIVATE PRESLEY.

Die pianis, prof. Nicol Viljoen, vertel van sy loopbaan, en ’n konsert wat hy aanbied, FROM CLASSICS TO JAZZ.

Animeerder en kunstenaar Diek Grobler bied ’n lesing aan by die Kunsvereniging van Pretoria. Hy praat oor die “pin screen” en hoe dit gebruik word om te animeer.

Christelle Webb-Joubert het tydens die Woordfees by vier kunstenaars se ateljees ’n draai gaan maak. Sy het gaan kuier by Mona Haumann, Izette Roos, Katie Farringer en Zonia Scheffer.

Terrance April gesels met Pieter de Vos van Foxwood House oor hulle teaterfees wat op 24 Oktober 2025 begin.

Lynthia Julies het in 2024 die tragiese gebeure van KINDERLÊ, 'n dorpie in die Noord-Kaap, in haar roman uitgebeeld. Lee-Ann van Rooi het die boek verwerk vir die verhoog. Sy gesels met Terrance April oor die verhaal, asook die uitdagings wat sy as regisseur aangedurf het.

KOFFIEKAN, is ’n produksie by die Woordfees waarin Bach se Koffiekantate gehoor kan word, asook ’n klomp Afrikaanse liedjies waarin koffie voorkom. Vervaardiger en violis Johanna Roos vertel meer.

Regisseur en beligtingsontwerper Wolf Britz vertel van die twee produksies waarby hy by die Woordfees betrokke is - HUIS VAN SAND en LIEFDE, LAFRAS.

DIE SIEL VAN EUGENE MARAIS is ’n Woordfees-produksie uit die pen van Amanda Bothma. Sy vertel meer van die stuk, waarvan sy ook die regie behartig.