Terrance April gesels met regisseur Christo Davids oor Athol Fugard se bekende, Boesman en Lena. Dit is te sien by vanjaar se Aardklop-kunstefees en die Woordfees in Stellenbosch.

Sanger en kunstenaar Lize Beekman vertel hoe sy per ongeluk ingeskryf het vir die International Wildlife Artist of the Year-kompetisie. Sy is gekies as een van die finaliste. Sy gesels ook oor Melkbos Ateljee 2025.

Christelle Webb-Joubert maak ‘n draai by Pierneefskraal in Pretoria. Mede-eienaar Chris de Beer gesels oor die plek waar Pierneef eens gewoon en werk het.

Marie Vogts van Figure of 8 Dance Theatre vertel van al die produksies waarby hulle betrokke is by vanjaar se Aardklop-kunstefees en die Woordfees. Een van die produksies is WINGS OF LIGHT: DANCE OF AN ANGEL, met musiek gekomponeer deur Mauritz Lotz.

Larissa Crafford-Lazarus is ‘n Suid-Afrikaanse aktrise wat tans in Londen woon. Sy vertel vir Christelle Webb-Joubert van die eenvroustuk, A GIRL CALLED OWL, waarin sy binnekort te sien is in Suid-afrika.

Terrance April gesels met Francois Combrinck oor Mzansi Chamber Music Collective se opkomende konserte.

Die kurator vir visuele kuns by Aardklop 2025, MC Roodt, gesels oor vanjaar se tema, feeskunstenaar en uitstallings.

By Aardklop 2025 word daar hulde gebring aan die ontslape Breyten Breytenbach. Artistieke regisseur Anna Davel vertel van die produksie, BELOFTE VAN VERE.

Die meeste plaaslike universiteite se musiekdepartemente het toegang tot 'n uitstekende lokaal waar hulle musiek voor 'n gehoor uitgevoer kan word. Dit is ook die geval met die Universiteit Stellenbosch. Terrance April gesels met Vicky Davis, artistieke direkteur van die Endlersaal. oor al hulle bedrywighede.

PROOI/PREY is ’n ontstellende toneelstuk oor mensehandel. Christelle Webb-Joubert gesels met die vervaardigers, Johan van der Merwe en Ignatius van Heerden.