Clive Barker wat afrigter van Bafana Bafana was toe die span in 1996 die Afrikanasiesbeker gewen het, is in die ouderdom van 78 oorlede. Jody Hendricks het met die voormalige Bafanaspeler Mark Williams oor Barker se loopbaan gepraat.

Bevin Fortuin het in Blanco in die Suid-Kaap grootgeword. Hy het sy loopbaan by die SWD Arende begin, voor hy in 2005 na die Cheetahs in Bloemfontein geskuif het. Dit is daar waar hy 'n Springbok geword het. Jody Hendricks praat met hom oor sy loopbaan en die lewe ná rugby.

Carla Mackenzie gesels met Elandri Schmidt, 'n veelsydige atleet van die Hoër Meisieskool Bloemhof, oor haar deursettingsvermoë en veerkragtigheid.

Carla Mackenzie gesels met oudrenjaer Hennie Mostert se seun en dogter oor hulle pa se nalatenskap, en sy motor wat uitgestal word by die Franschhoek Motormuseum.

Die Springbok Dowe Sewesspan sal in April aan die Wêreldbeker in Argentinië deelneem. Die span se Direkteur van Rugby Peter De Villiers sal ongelukkig nie met die span reis nie. Hulle afrigter, Marilize van der Merwe, praat oor die span se voorbereiding.

Chris Jooste her verlede week sy eerste Kaapstad Fietstoer-titel ingeplam. Hy het die wenstreep in 'n tyd van 2 uur 36 minute en 14 sekondes oorgesteek. Hy vertel vir Jody Hendricks van sy voorbereiding en loopbaan.

Manchester United is tans derde op die Engelse Premierliga se punteleer. Ons eie Benni McCarthy kry baie krediet vir hoe die span vanjaar vaar. Jody Hendricks gesels met Mccarthy se voormalige Bafana-spanmaat Tyren Arendse oor die impak wat Mccarthy by United het.

Het jy geweet dat die vonkelwyn vir die Bahrain F1 Grand Prix in Suid-Afrika vervaardig en gebottel word? Bernus van der Westhuizen van Wellington vertel vir Fritz Klaaste hoe dit gebeur het dat sy vonkelwyn elke jaar op die wennerspodium gebruik word.

Alliansies en samewerkingsooreenkomste is die jongste gonswoorde in die rugbywêreld. Jody Hendricks het gaan ondersoek instel oor 'n ooreenkoms tussen 'n span van Frankryk en die VSA wat verlede week onderteken is.