RTL - Apropos

Woumat hudd Dir Iech an de leschten Deeg esou beschäftegt? Villäicht hudd Dir jo datselwecht gemaach wéi d'Bea Kneip. Well bei him war dëser Deeg grouss Fréijorsbotz ugesot.

Haut ass jo net nëmme Sonndeg, mee och Feierdag. Den Europadag, als Erënnerung un déi historesch Ried vum Robert Schuman um selwechten Dag 1950. Fir d’Accorde vu Schengen gi mir uechter d’Welt beneit an da si mir och scho beim Thema: de Camille Ney schléit d’Bréck tëscht Europa an der Jalousie...

Viru kuerzem hunn den Ëmwelt- an Agrarministère eng nei Campagne géint de Littering ugekënnegt. Och zu Lëtzebuerg ass Offall am ëffentleche Raum, also laanscht d’Stroossen a Weeër, op Wisen, a Parken an a Bëscher e seriöe Problem. An dee beschäftegt och d’Josiane Hoffmann a sengem Apropos vun haut.

Ween hat geduecht, datt eng Pandemie an dat och nach am Joer 2020 eis e Stréch duerch d'Rechnung géif maachen. Och wann et wierklech nach ëmmer Mënsche ginn, déi maache wéi keng do wier, ass se awer do, nach ëmmer! Ma spéitstens duerch déi vill Restriktioune fir de Virus iergendwéi awer meeschter ze ginn, ass et och deem Bornéiertsten opgefall, dat eng Urgence ass. Dem Marie Gales maachen sou Reegelen näischt aus, ganz am Contraire souguer.

Männer froen net nom Wee. Dat ass méi wéi nëmmen eng Floskel.

Eng Etüd weist, datt 26 % vun de Männer op d’mannst eng hallef Stonn ronderëm ieren, éier se e Passant no Informatioune froen. Männer fuere mam Auto pro Joer 442 km Ëmwee, well se de richtege Wee sichen. An dat trotz Navi. Am Apropos vun haut beschäftegt sech de Guy Seyler mat dësem Thema:

Gehéiert Der zu deenen, déi kënne gedëlleg hiren Tour ofwaarden? Oder mengt Der och ëmmer an der Keess niewendru géing et méi séier weidergoen? D'Christiane Kremer probéiert emol der Rei no erauszefannen, wéi mer eis dacks do u Spréchwierder halen.

Neijooschdag ass jo traditionell d’Zäit vun de gudde Virsätz. Mä och op Ouschtere kéint dat passen, mengt d’Bea Kneip am Apropos vun haut.

Wéi kann et sinn, dass grad an eisem Land nach Leit op der Strooss musse liewen an duerch de Grill vun eisem Sozialsystem falen? Mat där Fro beschäftegt sech de Camille Ney am Apropos vun haut...

Fir d’Meteorologen war et schonns den 1. Mäerz sou wäit. Fir eis aner ass d’Fréijoer dëse Weekend agelaut ginn. D’Deeg an d’Nuechten si lo nees d’selwecht laang. D’Natur erwächt sou lues, an dat ass och fir d’Josiane Hoffmann e Liichtbléck.

E beléifte Gebrauch vum Mënsch ass et mat Déierennimm ëm sech ze geheien. An zu all Situatioun gëtt et dat passend Déier. D'Marie Gales geet deenen Déiere mol no.