Ils dis da festa èn passà e l'onn nov ha cumenzà. Noss chors cumenzan l'onn 2022 cun tuns calms e paschaivels.
Bain inqual fa per l'onn nov buns propiests – saia quai smetter cun ina nauscha disa ubain cumenzar cun ina buna disa. Far dapli sport, magliar pli sanadaivel ubain sentupar pli savens cun famiglia ed amis, i dat bleras chaussas ch'ins sa prender per mauns per l'onn nov. Forsa è in da quels propiests era da prender dapli temp per ins sez e d'avair dapli muments paschaivels. Per quels muments chantan noss chors en quest'emissiun chanzuns ruassaivlas e contemplativas.