Ils dis da festa èn passads e l'onn nov ha cumenzà. Noss chors cumenzan l'onn 2024 cun tuns calms e paschaivels.

Bain inqual fa per l'onn nov buns propiests – saja quai smetter cun ina nauscha disa ubain cumenzar cun ina buna. Far dapli sport, mangiar pli sanadaivel ubain s'entupar dapli cun famiglia ed amis, i dat bleras chaussas ch'ins po prender per mauns per l'onn nov. Forsa è in da quels propiests era da prender dapli temp per ins sez e d'avair dapli muments paschaivels. Per quels muments chantan noss chors en quest'emissiun chanzuns ruassaivlas e contemplativas.