"နောက်ဆုံးခေါင်းစဉ်က မိမိဘဝမှာ ဘာအကြောင်းကြောင့် ဖြစ်နေပါစေ ဘယ်တော့မှ အရှုံးမပေးလိုက်ပါနဲ့၊ နောက်မဆုတ်လိုက်ပါနဲ့။
ကျွန်တော်တို့ ကိုယ် အရမ်းကိုဖြစ်ချင်တဲ့အရာတွေ လုပ်ရင်းကြိုးစားရင်း တစ်ခါတလေမှာ စိတ်ဓာတ်တွေ ကျတတ်တယ်၊ အဆင်မပြေမှုတွေ များလာတဲ့အခါမှာ စိတ်တွေပင်ပန်းလာတယ်။ စိတ်ရဲ့စွမ်းအင်တွေ Energy တွေ ကျလာတတ်ပါတယ်။ ဘာဆိုဘာမှ လုပ်ချင်စိတ် ကိုင်ချင်စိတ်ကို လုံးဝမလုပ်တော့အထိ ဖြစ်တတ်ပါတယ်။ ကျွန်တော်လည်း ဖြစ်တတ်တာပဲ။ ဒါ လူ့စိတ်ရဲ့ဖြစ်တတ်တဲ့ သဘာဝပါ။ အဲဒီလိုမျိုးသာ ဖြစ်လာမယ်ဆိုရင် ကိုယ့်စိတ်ကို ခေတ္တအနားယူပေးပါ၊ ကျွန်တော်တို့ရဲ့ စိတ်ဓာတ်စွမ်းအင်တွေ ပြန်လည် အားကောင်းလာဖို့အတွက် တစ်ဖြည်းဖြည်းချင်း ကြိုးစားမြှင့်တင်ပေးပါ။
မိမိရဲ့စိတ်ဓာတ်စွမ်းအားတွေ Energy တွေ ပြန်လည်အားကောင်းဖို့ဆို မနက်နေ့တိုင်း အိပ်ယာနိုးလာတာနဲ့ မိမိကိုယ်မိမိ အကောင်းမြင်တတ်ဖို့ မြင်နိုင်ဖို့အတွက် အစွမ်းကုန်ကြိုးစားနေပါ။ ဘယ်လိုလုပ်ရမလဲဆိုတော့ မိမိကိုယ်မိမိ ပြောပါ "ငါက ကမ္ဘာပေါ်မှာ ငါသည် အကောင်းဆုံးလူသား၊ ငါသည် ဘယ်အရာမဆို ငါ လုပ်နိုင်တဲ့ အစွမ်းအစတွေ အပြည့်အဝရှိတယ်ကွ" လို့ အံကြိတ် ပြီး စိတ်ပါလက်ပါ နေ့စဉ်နေ့တိုင်း မနက်နိုးလာတာနဲ့ တစ်ကြိမ်၊ ညအိပ်ယာ လှဲလိုက်တာနဲ့ တစ်ကြိမ် အားရပါးရ ပြောပေးပါ။ ဘယ်သူပဲကြားကြား၊ မကြားကြား ကိုယ်ကြားဖို့ပဲ အဓိကပါ။ ကိုယ်ပြောနေတာကို ဘယ်သူက ဘယ်လိုပြောမှာလဲ၊ ဘယ်လိုထင်မှာလဲ လုံးဝဂရုစိုက်စရာ မလိုဘူး။
ဒါ ကျွန်တော် ကိုယ်တိုင်ကျင့်တဲ့ ကျင့်စဉ်ပဲ။ မယုံရင် အနည်းဆုံး တစ်ပတ်လောက် စမ်းလေ့ကျင့်ကြည့်ပါ။ နည်းနည်းလေးတော့ စိတ်အားရှိလာလိမ့်မယ်။ တစ်ကယ်ဖြစ်ချင်ရင်တော့ နေ့စဉ်နေ့တိုင်း မနက်၊ ည ဇွဲရှိရှိနဲ့ ရက်ပေါင်းရှည်ရှည် လေ့ကျင့်နေပါ။ ကျွန်တော် လုံဝအာမခံတယ်၊ လုံးဝ ဖြစ်ကိုဖြစ်တယ်။ ဘယ်လိုပြောရမှာလဲ ပြန်ပြောပြမယ်။ "ငါက ကမ္ဘာပေါ်မှာ ငါသည် အကောင်းဆုံးလူသားပဲ။ ငါသည် ဘယ်အရာမဆို ငါ လုပ်နိုင်တဲ့ အစွမ်းအစတွေရှိတယ်၊ အပြည့်အဝရှိတယ်ကွ" လို့ပြောပါ။ ပြီးတော့ စိတ်ခွန်အားဖြစ်စေမယ့် စာအုပ်တွေ ဖတ်ပါ။ အခု Youtube မှာ စာအသံဖိုင်လည်းရှိတယ် ရှာပြီးနားထောင်ပါ။ မိမိကိုးကွယ်တဲ့ ဘာသာရဲ့အဆုံးအမကို နာပါ။ အဲဒီလိုဆိုရင် ကျွန်တော်တို့ စိတ်ဓာတ်ခွန်အား လည်း တစ်နေ့တခြား ပိုမိုတိုးတက် ကောင်းမွန်လာပါလိမ့်မယ်။
အဓိက ကျွန်တော် ပြောလိုချင်တာက မိမိ ဖြစ်ချင်တဲ့အရာ သတ်မှတ်ထားတဲ့ ပန်းတိုင် မျက်ခြေမပြတ်ဖို့ပဲ လိုတယ်။ ကိုယ် ဖြစ်ချင်တဲ့အရာ ဖြစ်လာဖို့အတွက် ကိုယ် သတ်မှတ်ထားတဲ့ပန်းတိုင် ရောက်ရှိဖို့အတွက် မိမိရဲ့ စွမ်းရည် တိုးတက်ဖို့ မဖြစ်မနေ အသိပညာ၊ အတတ်ပညာတွေကို လေ့လာသင်ယူရမယ်။ ကိုယ်နဲ့ နီးစပ်ရာ ဆရာသမားမှာ ဖြစ်စေ၊ အွန်လိုင်းမှာဖြစ်စေ သင်ကိုသင်ယူရမယ်။ အွန်လိုင်းမှာ အခမဲ့သင်တန်းလည်း ရှိတယ်လေ။ မိမိ ရှာဖွေတတ်ဖို့ပဲ လိုတယ်။ စောစောက ပြောခဲ့သလို နည်းပညာ သုံးတတ်ရမယ်။ Facebook, Youtube တွေ သုံးကို သုံးတတ်ရမယ်။ မသုံးတတ်သေးရင် နီးစပ်ရာ သုံးတတ်တဲ့ သူငယ်ချင်းဆီမှာဖြစ်စေ၊ တစ်ယောက်ယောက်ဆီမှာဖြစ်စေ သူတို့ကို သင်ခိုင်းပါ။ သူတို့ကိုလည်း မိမိက လိမ္မာပါးနပ်စွာ ယဉ်ယဉ်ကျေးကျေးနဲ့ ပြောဆိုဆက်ဆံ တတ်ဖို့ပဲ။
ကိုယ် ဖြစ်ချင်တဲ့အရာဖြစ်ဖို့ ကိုယ်ရဲ့ပန်းတိုင်ရောက်ဖို့ ကိုယ့်မှာ ဘယ်လိုအခြေအနေမျိုးမှာ ရှိနေပါစေ၊ ဘာအကြောင်းကြောင့် ဖြစ်နေပါစေ၊ ရှိနေပါစေ ဆင်ခြေဆင်လက်မပေးနဲ့၊ No Excuse ပေါ့။ မရရအောင် အစွမ်းကုန် ရက်ပေါင်းလပေါင်းများစွာနဲ့ အကြိမ်ရေထောင်သောင်းမက ကြိုးစား အားထုတ်နေရမယ်။ ဒါမှသာလျှင် ကိုယ် ဖြစ်ချင်တဲ့အရာ ဖြစ်လာမယ်၊ ကိုယ် ရောက်ရှိချင်တဲ့ ပန်းတိုင် ရောက်လာမယ်။ ကျွန်တော်ဆိုလည်း ဒီလို တစိုက်မတ်မတ် ကြိုးစားနေဆဲပဲ၊ ဘယ်တော့မှ မရပ်တန့်ဘူး။ ကျွန်တော့်ရဲ့ ပန်းတိုင်ကို မရောက်မချင်း ဘယ်တော့အခါမှ အရှုံးမပေးဘူး။ အသက်ရှင် နေသေးသ၍တော့ တစိုက်မတ်မတ် မဆုတ်မနစ်သော ဇွဲလုံ့လနဲ့ ကြိုးစားအားထုတ်နေမှာပဲ။ ကျွန်တော်တောင် ဒီလောက်တောင် ကြိုးစားနိုင်ရင် ကျွန်တော်နဲ့ဘဝတူ မသန်စွမ်းသူတွေ အားလုံးလည်း လုပ်ကိုလုပ်နိုင်ပါတယ်။
အနှစ်ချုပ် စကားပြန်ပြောရမယ်ဆိုရင် ပထမအရေးကြီးဆုံး အဓိကအချက် ကျွန်တော်တို့ မသန်စွမ်း သူတွေအားလုံးက လူပေါင်းသင်းတဲ့နေရာမှာ လူပေါင်းမမှားဖို့ပဲ။ လူပေါင်းမှားလို့ကတော့ မိမိကိုယ်ကို မိမိပြန်လည်ပြုပြင်လို့ ခက်ခဲလွန်းလှတဲ့ အကြောင်းအရာဆိုရင် ဘဝရေစုန်မျှောပြီသာ မှတ်ပေတော့၊ ဒါကြောင့် အထူးမှာချင်တာက လူတော်လူကောင်းနဲ့ ရွေးပေါင်းပါ။ ဒါမှ ကျွန်တော်တို့ မျှော်မှန်းတဲ့ဘဝ ဖြစ်ချင်တဲ့ အဆင့်အတန်းရှိတဲ့ လူမျိုး၊ ကြီးပွားချမ်းသာ အောင်မြင်တဲ့ ပုဂ္ဂိုလ်တွေလိုမျိုး ဖြစ်နိုင်မယ်လေ။ အားလုံးပဲ ကိုယ်၏ကျန်းမာခြင်း စိတ်၏ချမ်းသာခြင်းနဲ့အတူ ပြီးပြည့်စုံပြီး ကောင်းသောနေ့ရက်များ ပိုင်ဆိုင်ကြပါစေ ခင်ဗျာ။" 👏
🗣မိတ်ဆွေတို့ရေ ဒီအပတ် ဖေဖော်ဝါရီလ ၂၂ ရက်နေ့ ဗုဒ္ဓဟူးနေ့ နံနက် ၁၀ နာရီမှာ ထုတ်လွှင့်မယ့် တက်သစ်စလူငယ် ကဏ္ဍမှာတော့ ဧည့်သည်တင်ဆက်သူ စိုင်းလျှန်းခမ်းက ဘဝတူ မသန်စွမ်းလူငယ်များ မျှော်မှန်းတဲ့ ဘဝပန်းတိုင်များကို လက်ဝယ်ပိုင်ပိုင် ရယူနိုင်ဖို့ စိတ်ဓာတ်နဲ့ ကြိုးစားအားထုတ်ခြင်း အပြင် အပေါင်းအသင်းတွေရဲ့ အကူအညီရယူတတ်ဖို့ ကိုယ်တွေ့တွေနဲ့အတူ ဝေမျှပေးထားတာဖြစ်လို့ ရင်ခုန်စိတ်လှုပ်ရှားစွာ 🎧 နားဆင်ကြည့်ကြရအောင်။ 👏
🎭🎤ရယ်ရယ်မောမော ပေါ့ပေါ့ပါးပါး" Inclusive Independent Podcast”📱🎧
👉 https://www.podpage.com/13402697618739/
👉 https://www.facebook.com/MyanmarCinemAbilityNetwork
👉 https://www.youtube.com/@mcanetwork
👉 https://myanmarcinemabilitynetwork.wordpress.com/
👉 https://t.me/mcanetwork
👉 https://twitter.com/MCinemAbilityN
👉 https://www.linkedin.com/company/mcanetwork/
👉 https://www.instagram.com/myanmarcinemabilitynetwork/
👉 https://www.clubhouse.com/club/myanmar-cinemability-network
☎️ 09261256493, 09420819597, 099450067352
#NeverGiveUp
#BelieveYourself
#EnergeticWords
#KnowledgeAndSkill
#YouCanDoIt
#DisabilityAndCreation
#InclusiveIndependentPodcast
