Dis nou die derde week wat ons in diepte kyk na 1 Johannes. Rian verduidelik vandag vir ons dat maak nie saak hoeveel twyfel/onrus ons ervaar nie, ons moet AANHOU om mekaar lief te hê en toelaat dat God se liefde deur die diepste kamers van ons harte spoel.

Rian vergelyk God se verhouding/liefde vir ons - sy kinders, met die van 'n pa en sy kind. God se liefde vir ons is net baie groter en wonderliker.

Gasprediker Etienne Piek gesels vandag met ons oor God se getrouheid en sy beloftes aan ons, en dat ons daaraan moet vashou en bly glo.

Aan die hand van die uittog uit Egipte en deurtrek uit die Rietsee, vergelyk gasprediker Etienne Piek ons met die volk Israel om vir ons te verduidelik dat elkeen maar elke nou en dan voor ons eie Rietsee te staan kom en moet ons blindelings vir God vertrou om 'n uitkoms te gee.

Rian gee vir Franna geleentheid om sy getuienis met ons te deel. Ons gebruik ook vandag nagmaal.

Rian gesels vandag verder oor die houvas van sonde op mens se lewe aan die hand van Josua 7.

Is daar 'n sonde in jou lewe wat die oorhand oor jou gedagtes en wilskrag kry? Sukkel jy om vry te kom van die kettings wat jou vashou om verder te groei in die mens wie God wil hê jy moet wees? Rian help ons die proses verstaan hoe om daarvan vry te kom in God se krag en genade.

Maak nie saak hoe jy lyk, hoe slim jy is, watse 'issues' jy het en selfs of jy gered is nie - God se liefde vir jou bly ALTYD dieselfde. Dit kan nie meer nie, en ook nie minder nie. Dit is volmaak.

Die laaste in ons reeks - Rian challenge ons om te leef asof dit ons laaste dag is - ons lampies moet vol wees - heeltyd altyd. Die Bruidegom is oppad!

Rian verduidelik vandag vir ons dat GENADE die grondslag is van die boodskap wat ons moet uitdra om God se koninkryk uit te brei.