SABC North West

Ntlhopeng wa molekgotla wa ANC le mohumagadi wa gagwe ba bolailwe ka go thuntsiwa ke batho ba ba sa itsiweng kwa legaeng la bona kwa Tsolo kwa Eastern Cape.

Modirakopo wa bofelo mo dipotsolotsong tsa maemo a mosireletsi wa setshaba profesa Bongani Majola o solofeditse go netefatsa fa go ikemela le serodumo sa kantoro di sa gogiwe mo seretseng fa a ka thapiwa

Moeteledipele wa DA Mmusi Maimane, a re dipuisano tse di ka ga semphato le makoko a mannye di tsamaya ka thelelo, mme di ka konosediwa pele ga bokhutlo ba beke.

Mokwaledi kakaretso wa ANC Gwede Mantashe, a re lekoko le le busang le tlile go seka-seka melaetsa eo balatedi ba lekoko ba ba romeletseng yona, ka nako ya ditlhopo tsa dipuso selegae.

Meyara yo a tlhopilweng gape wa Cape Town Patricia de Lille, o kgapetse thoko ditatofatso tsa gore komiti ya gagwe ya bomeyara ga e na tekatekano, fa go lejwa bong le lotso.

Tonakgolo ya Gauteng David Makhura a re ba tlile go ithuta go le gontsi go tswa dipholong tsa ditlhopo tsa dipuso selegae tsa beke e fetileng.

Molwela kgololosego Frank Chikane a re ga se mopresidente Jacob Zuma fela yo o ka pegwang molato wa go dira bokowa ga ANC.

Mosadimogolo wa dingwaga di feta some a a supa e bile e le ngaka ya setso mmogo le setlogolo sa gagwe ba bolailwe setlhogo ke segopa sa baagi ba latofatswa ka boloi.

Moatlhudi Seraj Desai o botsolotswa ke komiti ya nakwana ya palamente mabapi le phatlha tiro ya Mosireletsi wa Setshaba.

Reetsa mokgaratlhela kgololosego Frank Chikane fa are ANC e tlhoka go itharabologelwa ka go tsaya dikgato tse di gagametseng.