Brass Bands, orchesters d'instruments a flad e divers ensembles sunan musica da saut latinamericana.

Tango, samba, beguine u er salsa surmainan blera glieud da sa mover ed era da sautar. Cun questa schelta da musica ha forsa er l'ina u l'auter gust da glischnar sur il parchet cun ses partenari e giudair la musica latinamericana.

Diversas furmaziuns sunan ils divers stils da saut sco per exempel «Samba del Gringo», «Malaguena», «Salsa verde» u «Jamaican Rumba». En l'emissiun datti dentant er da tadlar ovras in pau pli spezialas – sco per exempel «Asfalt Tango» u «Killer Tango».