Il «Bal da Büman», il «Valser da Mattinadas», «Bod svelt e bod plü plan», il «Sot da las schoccas cotschnas» ed autras perlas. Il temp da la fin da l'onn vegl e dal principi da l'onn nov era quel dals bals tradiziunals. Surtut en Engiadina Bassa devi bleras isanzas che vegnivan festegiadas cun in bal. Quai è er descrit en ina publicaziun da Gudench Barblan, cumparida il 1900 en las Annalas «Costüms, üsanzas, modas e festas popularas in Engiadina bassa». Là menziuna el er ils bals: quels da Babania, da Bumaun, da Mattinadas, il Bal da la schocca cotschna e blers auters ch'èn svanids. En «La populara» dad oz faschain nus reviver quels e vus udis melodias enconuschentas che vegnivan sunadas savens durant quels dis: polcas, valsers, allemandas, mazurcas e hoppers.