"जीवन क बातें" - मेइती/मणिपुरी.3gp //1 কোরিন্থীয়া 13নুংশিবনা খ্বাইদগী অথোইবনি1 ঐনা মীওইবশিংগী অমসুং স্বর্গদূতশিংগী লোনশিং ঙাঙবা য়াই, অদুবু ঐঙোন্দা নুংশিবা লৈত্রবদি, ঐ শেম্বুং অমগুম অমসুং খীংলিবা কোর্ত্তান অমগুম ওইরে । 2 ঐনা ৱা তাকথোকপগী খূদোন ফংলবসু, অথুপ্পা পূম্নমক খঙবা ঙম্লবসু, লৌশিং পূম্নমক লৈরবসু, ঐঙোন্দা থাজবা পূম্নমক লৈদুনা ঐনা চীংশিংবু মফম হোংদোকপা ঙম্লবসু, ঐঙোন্দা নুংশিবা লৈত্রবদি, ঐ করিসু নত্তে । 3 ঐগী অরৈবা পূম্নমক লাইরবশিংবু পীজনবা ঐনা পীথোক্লবসু, ঐনা ঐগী হকচাংবু মৈনা চাকথোক্নবা পীথোক্লবসু, ঐঙোন্দা নুংশিবা লৈত্রবদি, মসিনা ঐঙোন্দা করিসু কান্নহন্দে ।4 নুংশিবনা কুইনা খাঙবি অমসুং চানবি; নুংশিবনা কল্লক্তে; নুংশিবনা নাপন তৌদে, নুংশিবনা চাউথোক্তে । 5 নুংশিবনা অথীবা মচৎ চত্তে, নুংশিবনা মশাগী ওইজবা থিদে, নুংশিবনা থুনা শাউদে, নুংশিবনা ফত্তবা খন্দে, 6 ধর্ম্মচেন্দবদা হরাউদে, অদুবু অচুম্বদা হরাউই । পোৎলূম পূম্নমক পুবি, পূম্নমক থাজৈ, পূম্নমক আশা তৌই, পূম্নমক খাঙবি । 8 নুংশিবনা কৈদৌঙৈদসু তাথদে; অদুবু ৱা তাকথোকপশিং লৈরবসু লোইখিগনি, অতোপ্পা লোন ঙাঙবা লৈরবসু লোইখিগনি, খঙবা লৈরবসু মদু মাঙখিগনি । 9 মরমদি ঐখোয়না খরতা খঙই, অদুগা ঐখোয়না খরতা ৱা তাকথোকই । 10 অদুবু মপূঙ ফাবা অদু লাক্লবদা মপূঙ ফাদবা অদু লৈররোই । 11 ঐনা অঙাং ওইরিঙৈদা অঙাংগুম্না ঙাঙলম্মী, ঐনা অঙাংগুম্না খঙলম্মী, ঐনা অঙাংগুম্না খল্লম্মী; অদুবু ঐনা চাউরক্লবা মতমদা অঙাংগী মতৌ অদু থাদোকখি । 12 হৌজিক ঐখোয়না মুশি মুশি মিংশেন্দা উবগুম্না উই; অদুবু মায়গা মায়গা উন্নরক্কনি; হৌজিক ঐখোয়না মপূঙ ফাদনা খঙই, অদুবু ঐবু মপূঙ ফানা খঙবিবগুম্না তুংদদি ঐনসু মপূঙ ফানা খঙজগনি । 13 হৌজিক্তি অহুম অসি লেঙদনা লৈ: থাজবা, আশা, নুংশিবা; মখোয় অসিদগী খ্বাইদগী চাউবদি নুংশিবনি ।
