La muntogna fascinescha ed a medem temp fa ella er tema. Lavinas, crudadas da crappa e bovas han procurà gia dapi adina per privels en las muntognas.

La bova gronda da Bondo u la situaziun actuala a Brinzauls èn be dus exempels, che mussan cun tge sfidas che vischnancas muntagnardas èn confruntadas – gist era cun la stgaudada dal clima.

Puntraschigna ha reagì gia baud: La vischnanca en l'Engiadin'Ota ha construì gia avant 20 onns in rempar gigantic sur il vitg. Quel duai proteger en l'avegnir la vischnanca da tut ils privels da la muntogna: tant encunter lavinas sco era bovas u crudada da crappa. Ina lavur da pionier che ha procurà per grond interess tant en il Grischun sco a l'exteriur. Dentant la schelira permanenta che tegn ensemen la muntogna sur il vitg sdreglia pli e pli.

Fin uss n'è ni la lavina gronda ni la bova vegnida. La vischnanca ha però pudì sa sviluppar vinavant cun questa nova segirezza. Tge è capità dapi ch'ins ha bajegià il rempar? E co vesa ora la situaziun oz a Puntraschigna? La Marella va sin il lieu cun persunas involvidas da lez temp e dat in sguard en il futur.