La sonda dals 18 da matg ha Sedrun dà suttetg a la 13avla Fiasta da cant ceciliana. 19 chors baselgia da la Surselva cun ca. 500 chantaduras e chantadurs èn stads preschents a Sedrun ed han interpretà là en baselgia parochiala 45 chanzuns da patg. Dirigì han 13 umens e 6 dunnas. Quatter expertAs han valetà questas producziuns.

RTR ha registrà e porta en trais emissiuns impressiuns chanticas da questa festa. Oz la terza e davosa. En quella emissiun Noss chors udin nus las sis furmaziuns: Chor mischedau Laax, Chor Uvriu Danis/Tavanasa, Chor mischedau Vrin/Surin, Chor mischedau Rabius, Chor baselgia s. Gion Mustér ed il Chor cecilian Trun.