Sign up to save your podcastsEmail addressPasswordRegisterOrContinue with GoogleAlready have an account? Log in here.
詩中客家節目,介紹作者劉惠月的客家有聲繪本詩集, 1.2021年第一季:文化部補助-九腔十八調-臺三線產業詩歌50篇 (2020年3月出版)。 2.2021年第二季:文化部補助--八音九歌十番集50篇 ... more
May 05, 202221. 四時緊板規律過-記大團圓 (選自八音九歌十番集有聲書,文:劉惠月 圖:劉文祥)21. 四時緊板規律過-記大團圓 (選自八音九歌十番集有聲書,文:劉惠月 圖:劉文祥) …………………………… 打頭陣个鼓吹 歲時祭祀 愛佢幫襯莊嚴 節慶典禮 愛佢幫襯鬧熱聲胲 鑼鼓打滴答吹 喊人遽遽到來 嚴條个曲調 分人黏時肅靜落來 大團圓 再緊大團圓 無論慢板 抑係緊板吹 總係四時緊板規律過 年年月月照步來 循環再循環圓不斷 生生不息大團圓 ……………………… 如蒙訂閱,萬分感激,恁勞瀝。 訂書方式: 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目: https://open.firstory.me/join/ckkkswnnvfq420864rgen5ak3 留言告訴我你對這一集的想法: https://open.firstory.me/user/ckkkswnnvfq420864rgen5ak3/comments [email protected] https://open.firstory.me/join/kagga-yeey201 Powered by Firstory Hosting...more9minPlay
May 05, 202220- 一家有伸,年年都有伸-記百家春 (選自八音九歌十番集有聲書,文:劉惠月 圖:劉文祥)20- 一家有伸,年年都有伸-記百家春 (選自八音九歌十番集有聲書,文:劉惠月 圖:劉文祥) …………………………… 正月立春、雨水足 樹椏綻筍 泥肉解凍 微風吹 日頭照 八音打 聽曲樂 生㿸个皮膚!鑪鑪啊泥 洗撇歸身臭油垢 休養个萬物!伸下懶筋 雙手迎接新氣象 二月驚蟄、春分靚 春雷初響 蟲驚鳥嚇 春暖意 花打花 八音吹 樂音響 細啊妹啊!拈起花香 素裝打扮哼唱歌 勞碌个人!放下農事 豐富食料過好年 寒冬過撇春季跈緊到 一家有伸百家春 年年都有伸 ……………………… 如蒙訂閱,萬分感激,恁勞瀝。 訂書方式: 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目: https://open.firstory.me/join/ckkkswnnvfq420864rgen5ak3 留言告訴我你對這一集的想法: https://open.firstory.me/user/ckkkswnnvfq420864rgen5ak3/comments [email protected] https://open.firstory.me/join/kagga-yeey201 Powered by Firstory Hosting...more11minPlay
May 05, 202219.十八摸-摎依阿个親子共浴 (選自八音九歌十番集有聲書,作者劉惠月)19.十八摸-摎依阿个親子共浴 (選自八音九歌十番集有聲書,文:劉惠月 圖:劉文祥) …………………………… 伸依阿(i+ ia+)手摸依阿著(zhog^) 摸著阿姐(zia^)頭那桂花香 伸依阿手摸依阿著 摸著阿姐頭那烏圓圓 阿姆摎細孲搭肚 輕輕拍厥肚屎 一粒粒个茶箍波 在兩子哀面前浮浮冇冇 兩人緊洗緊好 緊浸緊香 伸依阿手摸依阿著 摸著阿姐目眉兩頭彎 伸依阿手摸依阿著 摸著阿姐鼻公好鼻香 阿姆摎細孲搭背 輕輕拍厥背曩 半燒冷个洗身水 在兩子哀圓身洗洗沖沖 兩人緊浸緊淨 毋肯煞牯 阿姆搭肚又搭背 親子浴堂歡喜份家拉 ……………………… 如蒙訂閱,萬分感激,恁勞瀝。 訂書方式: 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 ............................................ 小額贊助支持本節目: https://open.firstory.me/join/ckkkswnnvfq420864rgen5ak3 留言告訴我你對這一集的想法: https://open.firstory.me/user/ckkkswnnvfq420864rgen5ak3/comments [email protected] https://open.firstory.me/join/kagga-yeey201 Powered by Firstory Hosting...more11minPlay
March 04, 202218-手留香味自家賞-記繡香包 (選自八音九歌十番集有聲書,文:劉惠月 圖:劉文祥)18-手留香味自家賞-記繡香包 (選自八音九歌十番集有聲書,文:劉惠月 圖:劉文祥) …………………………… 一繡香包在閨房,針黹功夫上下繡 ㄧ針一線 絲絲縷縷牽 ㄧ物ㄧ類 隻隻真登對 繡好金雞鳳凰對 ,繡好麒麟來弄獅 送分有情人緣定三生 香包定定飄散香味 也飄散吾心意 二繡香包在閨房,針黹功夫來回繡 一針一線親手繡 費時費工情意濃 ㄧ物一件親手送 人情來往送溫馨 繡好看靚裝飾品,手留香味自家賞 送分有緣人隨身帶核 哪哎喲啊得喲,香包飄香一生人 ……………………… 如蒙訂閱,萬分感激,恁勞瀝。 訂書方式: 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目: https://open.firstory.me/join/kagga-yeey201 留言告訴我你對這一集的想法: https://open.firstory.me/story/cl0chm95k05a10852by2trec6?m=comment [email protected] https://open.firstory.me/join/kagga-yeey201 Powered by Firstory Hosting...more11minPlay
March 04, 202217-小姑賢,姑嫂親-記姑嫂看燈 (選自八音九歌十番集有聲書,文:劉惠月 圖:劉文祥)17-小姑賢,姑嫂親-記姑嫂看燈 (選自八音九歌十番集有聲書,文:劉惠月 圖:劉文祥) …………………………… 姑嫂打扮靚靚去看花燈 身著八幅素絲个繡裙 腳踏紅繡鞋三寸金蓮 兩人手牽手踏出大門 小姑賢,姑嫂親 小姑不賢,亂了心 滿那鬧洋洋 八音鑼鼓響 兩子姑牽手到路脣 看著各樣花燈放光明 人人喜迎龍 八音響無停 歡喜兩人毋記得轉家庭 ……………………… 如蒙訂閱,萬分感激,恁勞瀝。 訂書方式: 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目: https://open.firstory.me/join/kagga-yeey201 留言告訴我你對這一集的想法: https://open.firstory.me/story/cl0chg3881glp0832cw6lyi8m?m=comment [email protected] https://open.firstory.me/join/kagga-yeey201 Powered by Firstory Hosting...more10minPlay
March 04, 202216-剪毋斷个肚臍絆-記娘親渡子 (選自八音九歌十番集有聲書,文:劉惠月 圖:劉文祥 )16-剪毋斷个肚臍絆-記娘親渡子 (選自八音九歌十番集有聲書,文:劉惠月 圖:劉文祥) …………………………… 降子渡細人 細妹人剪毋斷个宿命 耐緊變腫變笨个圓身變化 挨過行路打倒麥並鬱內傷个無利便 閃過四垤枋釘密密个劫難 閃過鬼門關後食得著雞酒香 送子娘正送來歸身軟怠怠个嬰兒 講係傳宗接代 嗄係用命換來个金團寶 堪得,嬰兒歸日噭無停又食無停 堪得,三歲子打爺爺歡喜个打潑賴 毋盼得,驚燒怕冷顧細人到轉骨 毋盼得,翼胛硬來翼翍翍離巢 娘親渡子係家族無冕王个光榮 該係,犧牲娘親成就子兒个甘願 該係,剪毋斷个肚臍絆 該係,挖毋撇个胞衣跡 .................................... 如蒙訂閱,萬分感激,恁勞瀝。 訂書方式: 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 小額贊助支持本節目: https://open.firstory.me/join/kagga-yeey201 留言告訴我你對這一集的想法: https://open.firstory.me/story/cl0ch6vbj07pn0865xool8dbf?m=comment [email protected] https://open.firstory.me/join/kagga-yeey201 Powered by Firstory Hosting...more10minPlay
February 13, 202215. 穀倉年年滿-記天公落水 (選自八音九歌十番集有聲書 文:劉惠月 圖:劉文祥)15. 穀倉年年滿-記天公落水 (選自八音九歌十番集有聲書,文:劉惠月 圖:劉文祥) ……………………………… 天頂落雨 燥絲絲个天時轉涼咧 草帽戴核 來到坑水邊 坑水清又清 細魚在水肚泅來泅去 水靴笐著緊 任在天頂落緊雨毛屑 逐走天大旱 涿雨涿到溚潦也毋驚 水庫承核珍貴个雨水 緊唱天公落水調 天頂落雨 燒呵呵个山風變涼咧 笠嬤戴緊 來到魚塘脣 塘水淨又淨 紙船在水竇肚浮來浮去 毋管發風落雨 歸身涿到潦潦也甘願 埤塘雨涔涔 天轉笠嫲花 緊唱天公落水調 天頂落雨 熱燁燁个日頭變涼咧 擎一隻遮 來到涼亭下寄雨 溼溚溚个路浮起一層油鏡 分日頭熇燥个河壩蔭水咧 就算颳風 就算雨淋雨涿 好得天公伯庇佑風調雨順 穀倉年年滿 吃著毋使愁 天公落水調 繼續唱無停 ................................................. 如蒙訂閱,萬分感激,恁勞瀝。 訂書方式: 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 ....................................................... 小額贊助支持本節目: https://open.firstory.me/join/kagga-yeey201 留言告訴我你對這一集的想法: https://open.firstory.me/story/ckzkp6sfx0jgr0975si29n6fe?m=comment [email protected] https://open.firstory.me/join/kagga-yeey201 Powered by Firstory Hosting...more11minPlay
February 13, 202214.蘇萬松調-記勸世奇人(一代歌王) (選自八音九歌十番集有聲書,作者劉惠月)14.蘇萬松調-記勸世奇人(一代歌王) (選自八音九歌十番集有聲書,文:劉惠月 圖:劉文祥) ……………………………… 蘇萬松自家編勸世歌詞 自家鋸小提琴 用什唸平板 噥噥哢哢 弄出人情義理 用 ni ni 滾 呢呢喃喃 噭出牽腸掛肚 對日本時代唱勸世 到1961年斷 對日本時代个哥倫比亞這兜唱盤 唱到國際唱片 又唱到貓貍文化工作室 厥人生蓋棺事定 永久停跎在62歲个燦爛 世間能有幾多知音儕 彭文銘先生知得 世間能有幾多留聲機 貓貍文化工作室使得 一代歌王蘇萬松傑作集 放送厥勸世个牽聲 客家說唱蘇萬松 放送厥勸世个噥哢音 乙未光緒唐武台,李鴻章割地日本來。 五月十三兵上陸,武台著驚來走開…… 一來勸化兄弟人ni,做人兄弟骨肉親 ni 大家兄弟同協力ni,真真家和無不興ni 二來勸人子嫂ni,做人子嫂愛顧家ni 大家子嫂同協力ni,窮苦家庭變富家ni 再來勸化少年哥ni,錢銀兩字毋怕多ni 士農工商隨身寶ni,人無業藝還奔波ni 又來唱勸孝歌ni,因為孝道世上尊ni 孝義係正來孝自己ni,點點傳來分子孫ni 厥勸世个魂本本還停留世間 蘇萬松調還會繼續傳唱落去 蘇萬松調傳承人將陸續接緊 唱出蘇萬松調歷史洪流个悲歡 唱出蘇萬松調心靈底層个呼喚 ..................................... 如蒙訂閱,萬分感激,恁勞瀝。 訂書方式: 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 ........................................ 小額贊助支持本節目: https://open.firstory.me/join/kagga-yeey201 留言告訴我你對這一集的想法: https://open.firstory.me/story/ckzkp1it2023108044950u6lw?m=comment [email protected] https://open.firstory.me/join/kagga-yeey201 Powered by Firstory Hosting...more12minPlay
February 13, 202213-肚屎裝得落嬰兒-記病子歌 (選自八音九歌十番集有聲書,作者劉惠月)13-肚屎裝得落嬰兒-記病子歌 (選自八音九歌十番集有聲書,文:劉惠月 圖:劉文祥) ……………………………… 有身項个細妹 頭暈腦疺 如今病子心頭淡 想食豬腸炒薑絲 愛食,?就來去買 薑絲同潤脆个豬腸真合味 病子个細妹食了緊尋尾 愛惜肚挺挺个你 過煮一鍋大風草水 分你洗身 洗浴了後 使得除濕消腫 擐大肚个細妹 頭那暈暈 如今病子心頭淡 想食果子煎鴨春 愛食,?就來去買 果子同鬆軟个鴨卵真鬥搭 病子个細妹食了變好嘴斗 珍惜肚膕膕个你 過烳一鍋牛眼樹葉水 分你洗身 洗浴了後 使得止痛解毒 大肚屎个細妹 頭那昂昂 如今病子心頭淡 想食酸澀虎頭柑 愛食,?就來去買 又酸又澀个酸柑茶胃口好 病子个細妹食了嘴斗好 痛惜行路會倒頭種个你 過炙一鍋楓樹葉水 分你洗身 洗浴了後 使得祛風除濕 阿姆經歷有身項 擐大肚 大肚屎 肚屎裝得落得人惜个嬰兒 裝得落哇哇滾个臭乳臊味 還較裝得落起起落落个人生 .................................................... 如蒙訂閱,萬分感激,恁勞瀝。 訂書方式: 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 ..................................... 小額贊助支持本節目: https://open.firstory.me/join/kagga-yeey201 留言告訴我你對這一集的想法: https://open.firstory.me/story/ckzkoeqj400je08045kyfvmv1?m=comment [email protected] https://open.firstory.me/join/kagga-yeey201 Powered by Firstory Hosting...more12minPlay
February 13, 202212-你蒔粘來 妹蒔糯-記思戀歌 (選自八音九歌十番集有聲書,作者劉惠月)12-你蒔粘來 妹蒔糯-記思戀歌 (選自八音九歌十番集有聲書,文:劉惠月 圖:劉文祥) ……………………………… 思戀啊真思戀 思戀到尾仰結煞 思戀佔歸个心 佔歸个魂 梳妝臺前照著無神氣个魂影 同梳拿起來 梳一下頭拿毛 頭拿毛ㄧ撮ㄧ撮梳 心肝頭ㄧ陣ㄧ陣寒 思戀啊真思戀 思戀愛仰脣正好 渟ㄧ杯收藏幾下年个紅露酒 面對鏡肚个人斟酒 杯杯盞盞響無停 面紅濟借个面挾卵散毋撇 思戀啊真思戀 思戀使得做麼个 擎起思戀个心來到花園尞 摘ㄧ蕊花 香味陣陣飄 過再影下滿園花開 手項个花枝微微笑 吾个心也緊笑微微 思戀啊真思戀 思戀該當時 兩人共下蒔ㄧ坵田 你蒔粘來 妹蒔糯 三斗糯破六升秥 兩人共下挼惜圓 打粄 樣樣都合線 不時都唱山歌 該坵田緊蒔緊肥 該坵田緊蒔緊滋養 思戀啊思戀 一生人思戀 一生人富裕 ................................................... 如蒙訂閱,萬分感激,恁勞瀝。 訂書方式: 台灣e書店 http://www.taiouan.com.tw/catalog/index.php...... 首頁/商品目錄/本土e冊/客家/顯示:劉惠月 ........................................... 小額贊助支持本節目: https://open.firstory.me/join/kagga-yeey201 留言告訴我你對這一集的想法: https://open.firstory.me/story/ckzkmy9sr0ndu0899lfgsgbxz?m=comment [email protected] https://open.firstory.me/join/kagga-yeey201 Powered by Firstory Hosting...more12minPlay