Ons bring hulde aan die skrywer en digter Petra Müller, wat verlede week oorlede is. Jy kan luister na ‘n gesprek wat Suzette Kotze-Myburgh in 2016 met haar gevoer het. Ina Strydom gesels in ons skrywerslypklas oor die skryf van dialoog, veral vir radiodramas. Johan Myburg gesels oor ‘n e-boekprojek wat ou Australiese letterkunde wil help bewaar, en hy vertel meer oor die werk van die Ierse topverkoperskrywer, Lucinda Riley, wat onlangs oorlede is.

Ilse Salzwedel gesels met Helene de Kock oor haar jongste roman ELISABET SE OORLOG. Die kinderboekskrywer  Fanie Viljoen vertel meer van vier nuwe boeke  in sy Klein Boeke-reeks, en ons gesels ook oor sy eerste geestelike kinderboek BRIEWE VAN MIELIEPIT.  In die derde aflewering van ons RSG Radiodrama Slypskool gesels Ina Strydom oor wat belangrik is wanneer jy ‘n radiodrama skryf, en spesifiek hoe klank die storie moet vertel. Johan Myburg gesels in sy internasionale bydrae oor die PEN Pinterprys, vanjaar se Pulitzerpryswennerboeke en nog ‘n prys vir Maggie O’ Farrel se roman HAMNET.

Luister na ‘n argiefopname uit 1957 waarin die digter en akademikus, W.E.G. Louw, gesels oor dit wat die lewe hom geleer het. Daar is ook ‘n musikale storie uit Coenie de Villiers en Deon Meyer se Karoosuite, met meer inligting oor hulle tweede koffietafelboek, ONS KAROO.  Ina Strydom gesels in vandeesweek se skryfslypskool oor die storie-aspek van skryf. Johan Myburg vertel meer van die wenner van vanjaar se Booker Internationalprys, The New York Times se resensie van Damon Galgut se THE PROMISE en heruitgawes van Jeanette Winterston se boeke.

Heruitsending: Die skrywer Elsa Joubert het in 2017 haar 95e verjaarsdag gevier met die publikasie van SPERTYD, die derde deel van haar outobiografie. Suzette Kotze-Myburgh het destyds met haar gesels oor haar lewe en skryfwerk.

Cas Vos gesels met Ilse Salzwedel oor sy passie vir die werk van die Italiaanse digter, Dante, en lees ook voor uit sy vertaling van Dante se INFERNO. Johan Myburg vertel meer oor 'n veiling van o.a. die Brönte-susters se werk, 'n ongepubliseerde manuskrip van John Steinbeck en die kinderboekskrywer Eric Carle, wat onlangs oorlede is. Ina Strydom vra in die eerste van 'n reeks slypklasse vir skrywers van radiodrama's die vraag: hoekom skryf mens?

Ilse Salzwedel gesels met twee misdaadskrywers, Rudie van Rensburg (skrywer van o.a. HARTEDIEF) en Carla van der Spuy (haar jongste boek is GANGSTER). Die een skryf fiksie, die ander nie-fiksie. Die kinderboekskrywer Wendy Maartens vertel meer oor VAANDELDRAERS, haar nuwe reeks nie-fiksie boeke vir kinders. Johan Myburg vertel meer oor die spioenasiemeester John Le Carre se nuutste boek wat in Oktober verskyn, en LOST CHILDREN ARCHIVE, die wenner van die Dublinprys.

Vind meer uit oor die skrywer CJ Langenhoven se geheime liefde, Sarah Goldblatt, wanneer Ilse Salzwedel met die skrywer Dominique Malherbe gesels oor haar biografie OP SOEK NA SAARTJIE. Ilse gesels ook met Wilmi Wheeler oor haar radiodrama, DIE HUISBESOEK, wat met ‘n Writers Guild of South Africa-toekenning bekroon is. Johan Myburg gesels in sy bydrae oor die internasionale letterkunde onder andere oor die Dylan Thomas-prys en die wenners van die Britse Book Awards.

Ilse Salzwedel gesels met Bibi Slippers oor ‘n paar boeke wat sy onlangs gelees het en kan aanbeveel. Johan Myburg vertel in sy internasionale insetsel meer van Jumpa Lahiri se nuwe roman, en ‘n biografie oor die Britse digter, dramaturg en komponis Ivor Gurney. Jy kan ook luister na ‘n klankopname waarin Lahiri ‘n stuk uit haar roman voorlees. Kom vind ook uit wie vir die Jakes Gerwel Stigting en PEN Afrikaans se skrywersresidensieprogram gekies is.

Ilse Salzwedel gesels met Irma Joubert oor haar nuwe roman, NA 'N PLAAS IN AFRIKA. Jy kan meer uitvind oor die ATKV-Skryfskool se Winterskool wat vanjaar aanlyn plaasvind. In sy bydrae oor die internasionale letterkunde, gesels Johan Myburg oor die ses finaliste vir die Women's Prize for Fiction en 'n wêreldwye peiling oor leespatrone tydens die pandemie.

Ilse Salzwedel gesels met Frederik de Jager oor sy bundel rubrieke, MAN OP 'N FIETS ÊRENS HEEN. Johan Myburg gesels oor die kortlys vir die internasionale Bookerprys, nog polemiek rondom die biografie van Phillip Roth en ‘n biografie oor die skrywer Edward Said. Verlede week het ons Wêreldboekedag gevier, en die skrywers Karin Brynard, Bettina Wyngaard, Didi Potgieter, Fanie Viljoen, Madelein Rust, Jaco Jacobs, Beneschke Janse van Rensburg en Johan Myburg vertel van hulle eerste kennismaking met boeke.