Suzette Kotze-Myburgh gesels met Naomi Meyer oor haar debuutroman WEB. Terrance April vertel meer oor die Nigeriese skrywer Flora Nwapa. En Johan Myburg gesels oor die internasionale letterkunde, onder meer die nuwe Asterix en Obelix.

Die bekende skrywer Karel Schoeman is vandeesweek oorlede. Ilse Salzwedel gesels met die skrywer Fanie Viljoen, wat goed bevriend was met Schoeman, oor die mens agter die openbare figuur. Luister ook na 'n insetsel wat in 2009 opgeneem is ter viering van Schoeman se 70e verjaarsdag, waarin prof. Willie Burger verduidelik hoekom Schoeman een van Afrikaans se grootstes was. En Johan Myburg gesels oor die jongste internasionale boekenuus.

Ilse Salzwedel gesels met Ronel Nel oor haar debuutroman Pelgrimshoop. Hoor watter Afrikaanse skrywers het onlangs internasionale deurbrake gemaak. En Johan Myburg vertel meer oor die Cervantesprys en die boeke op die Manbooker-kortlys.

In die plek van vanaand se normale Skrywers en Boeke saai ons DIE WOORDKETTING uit wat tydens vanjaar se US Woordfees opgeneem is. Die digters Diana Ferrus, Philip de Vos en Andries Bezuidenhout vermaak met variasies op bekende gedigte wat deur Susanne Beyers voorgelees word.

Ilse Salzwedel gesels met Jaco Jacobs, wie se boek 'N GOEIE DAG VIR BOOMKLIM, nou in Engels uitgegee gaan word deur 'n Britse uitgewer. Chareldine van der Merwe van die VRIENDE VAN AFRIKAANS gesels oor die organisasie se bedrywighede. Johan Myburg deel interessanthede uit die internasionale letterkunde, en praat onder meer oor Wolf Ehrlbruch se prys vir EEND, DOOD EN TULP, 'n kinderboek wat in talle tale vertaal is. Ook meer inligting oor die Walter Scott-prys, die Folio-prys en 'n virtuele poësiemuseum in Amsterdam.

Ilse Salzwedel gesels met Wilna Adriaanse, skrywer van EINDSPEL, die opvolg op die baie gewilde DUBBELSPEL. Wilna deel skryfraad en praat oor die effek wat lesers se verwagtings op die skryfproses kan hê. Johan Myburg praat in sy internasionale letterkunde-bydrae onder meer oor die groei in Afrika se kortverhaalkuns, en die Nederlander Rutger Bregman se boek UTOPIA FOR REALISTS.

Ilse Salzwedel gesels met Isa Konrad oor haar werk. Luister ook na die inspirerende verhaal van John en Gail Nicholson van Lavender Hill wat met 'n boekprojek 'n groot verskil in hulle gemeenskap maak. Johan Myburg gesels oor die internasionale letterkunde.

Ilse Salzwedel gesels met Marieta van der Vyver oor haar nuwe roman, Misverstand.

Ilse Salzwedel gesels met Bernard Odendaal oor sy bundel rubrieke en essays WOORDE HUL STORIE SIEN KEN. En Johan Myburg gesels oor wetenswaardighede uit die internasionale letterkunde.

Ilse Salzwedel gesels met Elna van der Merwe oor die Afrikaanse vertaling van SINK, die roman deur Brett Michael-Innes. Johan Myburg gesels met Stefan Hertmans oor sy roman OORLOG IN TERPENTYN, in Afrikaans vertaal deur Daniel Hugo. Johan gesels ook oor die internasionale letterkunde.