Suzette Kotze-Myburg gesels met John Miles oor sy nuwe roman OP 'N DAG, 'N HOND. Ilse Salzwedel hoor by Suzette wat haar top vyf Afrikaanse boeke in 2016 was. En Johan Myburg gesels oor die internasionale letterkunde.

Ilse Salzwedel gesels met Sally Andrew, skrywer van Recipes for Love and Murder: A Tannie Maria mystery en Tannie Maria and the Satanic Mechanic. Anneli Groenewald, skrywer van Die Skaalmodel, vertel wat presies ʼn mens kan verwag van ʼn meestersgraadkursus in kreatiewe skryfkuns. En Johan Myburg gesels oor die internasionale letterkunde.

Ilse Salzwedel gesels met kinderboekillustreerder Zinelda McDonald oor haar werk. Johan Myburg gesels oor gebeure in die internasionale boekewêreld, en vertel ook van sy top vyf Afrikaanse boeke vir 2016. En Ilse gesels oor lekker boeke vir kinders se Kerskouse.

Corina van der Spoel gesels met Harry Kalmer oor DIE BRAM FISCHER-WALS, sy onlangs gepubliseerde drama. Suzette Kotze-Myburgh gesels met Elisabeth Wasserman oor ELF DAE IN PARYS, haar nuwe jeugroman. En Johan Myburg gesels oor interessanthede uit die internasionale letterkunde.

Ilse Salzwedel gesels met Anneli Groenewald oor haar debuutroman, Die Skaalmodel, wat die debuutprys gewen het in NB se Groot Romanwedstryd 2015. Die boek speel af op Skipskop, ʼn dorpie wat deur die NP-regering onteien is om ʼn missieltoetsbaan te maak. Ilse gesels ook met dr. Lynette Jacobs van die Universiteit van die Vrystaat oor ʼn biblioteekbusprogram wat boeke na die verste uithoeke van die Vrystaat neem. En Johan Myburg deel interessanthede uit die internasionale boekewêreld, onder meer Astrid Lindgren se pas gepubliseerde oorlogsdagboeke.

Ons bring hulde aan die skrywer Dot Serfontein wat in die ouderdom van 91 jaar oorlede is, met 'n uittreksel uit die 2014 RSG Kunstefees-produksie My Mense. Johan Myburg gesels oor die internasionale boekewêreld, en vertel onder meer van 'n interessante boekklub.

Die aktrise Milan Murray se tweede pragtig geïllustreerde kinderboek het pas verskyn. Ilse Salzwedel gesels met haar en die illustreerder Marisa du Toit oor die wisselwerking tussen skrywer en illustreerder. Daniel Hugo vertel waarna boekliefhebbers kan uitsien tydens die Prince Albert Leesfees wat van 4 tot 6 November in die Karoodorpie plaasvind. Johan Myburg deel interessanthede uit die internasionale letterkunde, en gesels onder meer oor Paul Beatty, die wenner van die Manbookerprys.

Regstreekse uitsending van die bekendstelling van Chris Karsten se nuwe misdaadroman DIE DOOD VAN 'N GOEIE VROU. Karsten, ʼn oud-Rapportjoernalis wat deesdae in Kanada woon, het spesiaal Suid-Afrika toe gekom vir die geleentheid. Sue Pyler lees voor uit die roman, en Matthys Roets maak musiek.

Ilse Salzwedel gesels met Annekie Botha Du Plessis van Pooka Uitgewers oor Die groot misterie van twee Vroue: Briewe aan Anna deur T.T. Cloete wat pas verskyn het. Lien Botha, skrywer van Wonderboom, vertel van haar besoek aan die Week van die Afrikaanse Roman in Nederland. En Johan Myburg deel wetenswaardighede uit die internasionale letterkunde.

Suzette Kotze-Myburgh gesels met Mari Heese oor haar nuwe roman, MAESTRO. Prof. Heilna du Plooy gesels oor wyle prof. Elize Botha se boekversameling wat aan Foxwood House in Johannesburg geskenk is vir bewaring. En Johan Myburg gesels in sy insetsel oor internasionale letterkunde onder meer oor ʼn skrywer se reg op anonimiteit.