Suzette Kotze-Myburgh gesels met Christine Barkhuizen-Le Roux oor haar nuwe roman DRIEKLAWERBLAAR. Corina van der Spoel gesels met die letterkundige Jacomien van Niekerk oor haar boek OM TE WORDE, wat die werk van Antjie Krog ontleed. En Johan Myburg vertel meer oor gebeure in die internasionale letterkunde en boekbedryf.

Ilse Salzwedel gesels met Martin Steyn oor sy derde misdaadroman SWARTVAL. Sy gesels ook met Wilbur Smith, wie se 41e boek pas verskyn het. Die wenners van die KykNET/Rapport-boekpryse word aangekondig. En Johan Myburg gesels oor interessanthede uit die internasionale letterkunde.

Suzette Kotze-Myburgh gesels met Irna van Zyl oor haar debuutroman MOORDVIS. Theo Kemp gesels oor die ATKV-Boeke-oase se program by die nuwe Aardklop-kunstefees in Oktober, en Johan Myburg deel interessanthede uit die internasionale boekewêreld.

Ilse Salzwedel gesels met die kleurryke Phillip de Vos oor sy lang en interessante loopbaan en sy jongste boek vol guitige versies, Prente by 'n Uitstalling (na die musiek van Moessorgski). Phillip dra ook van sy versies voor. Die wenners van die ATKV Woordveertjies 2016 word aangekondig. En Johan Myburg deel interessanthede uit die internasionale letterkunde.

Ilse Salzwedel gesels met Karin Brynard oor haar nuwe roman TUISLAND. Ingrid Erlank van Afrikaans.com gesels oor hulle boeke-uitskieterlys. En Johan Myburg deel interessanthede uit die internasionale letterkunde, onder meer Deon Meyer se benoeming vir 'n internasionale misdaadskrywersprys.

Suzette Kotze-Myburgh praat met die bekroonde romansier Dan Sleigh oor sy nuwe roman 1795. Ilse Salzwedel gesels met Hettie Scholtz oor die kortlyste van did KykNET-Rapport Boekpryse wat pas aangekondig is. En Johan Myburg deel interessanthede uit die internasionale letterkunde.

Elsabe Brits, 'n bekroonde joernalis, vertel vir Ilse Salzwedel oor haar nuwe boek EMILY HOBHOUSE: GELIEFDE VERRAAIER. Dr. Fanie Marais van die Cordis Trust gesels oor die vyf boeke wat die trust vanjaar gepubliseer het. Die ATKV se Filmverse 2 is nou op DVD beskikbaar. Vind meer uit oor hierdie unieke projek wat animasie met Afrikaanse digkuns kombineer. Johan Myburg gesels weer oor die internasionale letterkunde, onder meer oor Frederick Botha se benoeming vir 'n internasionale PEN-prys.

Corina van der Spoel gesels met Ena Jansen oor haar nuwe boek, Ons Japie, die Boereoorlogdagboek van Anna Barry. Ilse Salzwedel gesels met Darryl David oor die Soweto Literary Festival wat van 19 tot 21 Augustus by die Sowetoteater gehou word. Dr. Fanie Marais van die Cordis Trust vertel meer oor die Cordis Trust/RSG Christelike radiodramakompetisie. En Johan Myburg deel interessanthede uit die internasionale letterkunde.

Die rolprent Noem My Skollie is gebaseer op die lewe van John W. Fredericks, wat ook die draaiboek geskryf het. Ilse Salzwedel gesels met John oor hoe boeke sy lewe verander het. Dia van Staden gesels oor die Pretoria Boekejol en Filmrol wat van 17 tot 21 Augustus in Pretoria gehou word. En Theo Kemp vertel waarna poësieliefhebbers kan uitsien by vanjaar se Tuin van die Digters op Wellington van 16 tot 18 September.

RSG stel Deon Meyer se nuwe roman KOORS regstreeks, eerste en eksklusief bekend by die Drostdyteater in Stellenbosch. Ilse Salzwedel gesels met Meyer oor sy nuwe boek. Lize Beekman en Jaconell Mouton sorg vir heerlike musiek, en Zoë Brown lees voor uit die roman.