Ilse Salzwedel gesels met Celeste Fritze oor haar debuutroman VERLORENKOP. Anzil Kulsen gesels oor die inspirasie vir haar jongste jeugroman SORRIE MAAK NIE GESOND NIE, wat sterk temas soos afspraakverkragting en groepsdruk hanteer. Johan Myburg deel interessanthede uit die internasionale letterkunde, en gesels onder meer oor 'n nuwe woordeboek met spesiale Roald Dahl-skeppings wat onlangs verskyn het.

Suzette-Kotze Myburg gesels verder met Abraham de Vries, hierdie keer oor sy akademiese werk. Bekroonde kinderboekvertaler Kobus Geldenhuys gesels oor sy werk, en Johan Myburg deel wetenswaardighede uit die internasionale letterkunde en boekewêreld.

Suzette Kotze-Myburgh gesels met die skrywer Abraham de Vries oor sy lewe en werk. Ilse Salzwedel gesels met Dina Botha oor haar vyftigste romanza wat onlangs gepubliseer is. En Johan Myburg deel interessanthede uit die internasionale letterkunde.

Die skrywer Margaret Bakkes is verlede week in die ouderdom van 84-jaar oorlede. Luister na uittreksels uit argiefonderhoude met haar. Ilse Salzwedel gesels ook met die skrywer Johan Bakkes oor sy ma. Johan vertel ook meer van die Bakkes-se-boeke-bakkie-boemel-projek om boeke na die platteland te neem. Johan Myburg gesels oor interessanthede uit die internasionale letterkunde en boekbedryf.

Die skrywer Wille Martin is die naweek oorlede. Luister na uittreksels uit argiefonderhoude met haar en haar ma, die ewe bekende skrywer Minnie Postma. Ilse Salzwedel gesels ook met Delphine van Wyk, die eerste Skrywers en Boeke-boekheld, oor haar passie vir geletterdheid en haar boekeprojekte. Johan Myburg deel interessante internasionale boekenuus.

Corina van der Spoel gesels met prof. Heilna du Plooy oor haar debuutroman DIE TAAL VAN BEEN. Kinderboekskrywer Wendy Maartens praat oor die terapeutiese waarde van boeke vir kinders met probleme. Johan Myburg deel wetenswaardighede oor die internasionale boekbedryf, en gesels onder meer oor die Amazon-topverkoperlys vir die eerste ses maande van 2016. Die wenners van die Media 24 Boeke-literêre toekennings word aangekondig.

Regstreekse boekbekendstelling van Valda Jansen se debuutroman

Suzette Kotze-Myburg gesels met Pienkes du Plessis oor sy bundel kortverhale ROBBIE SE BROER SE ROER EN ANDER JAGSTORIES. Ilse Salzwedel gesels met Annemarie van der Walt, die koördineerder van die Innisbosfees se boekprogram, oor waarna feesgangers kan uitsien tydens die fees wat van 29 Junie tot 2 Julie in Nelspruit gehou word. Johan Myburg deel wetenswaardighede uit die internasionale boekwêreld.

Ilse Salzwedel gesels met Hans du Plessis oor sy nuwe roman TUSSEN DIE KLIPPE. Christopher Hope gesels oor sy loopbaan en sy jongste roman, JIM FISH. Johan Myburg het nuus oor die internasionale letterkunde.

Suzette Kotze-Myburgh gesels met Marinda van Zyl oor haar nuwe roman AMRAAL. Nicol Stassen gesels oor die Bologne Kinderboekskou, en Johan Myburg deel interessanthede uit die internasionale boekewêreld. Hettie Roux van die Vriende van die Hermanus-biblioteek vertel hoe hulle die biblioteek bystaan en bevorder.