Luister na 'n opname uit die argiewe waarin Winnie Rust, wat verlede week grusaam vermoor is, met Christelle Webb-Joubert gesels. Johan Myburg gesels oor internasionale boekdinge, en Theo Kemp vertel waarna boekliefhebbers kan uitsien tydens die Vrystaat Literatuurfees wat van 11 tot 16 Julie in Bloemfontein gehou word as deel van die Vrystaat Kunstefees.

'n Nuwe bundel liefdesverhale uit die pen van wyle Doc Immelman, veral bekend vir sy jag- en avontuurverhale, het pas verskyn. Ilse Salzwedel gesels met sy dogter daaroor. Nicol Stassen gesels oor 'n klomp klassieke Afrikaanse boeke wat heruitgegee word. En Johan Myburg deel interessante nuus uit die internasionale boekewêreld.

Ilse Salzwedel gesels met Helena Hugo oor haar skryfloopbaan en haar nuwe roman, MISPA, wat pas bekendgestel is. Prof. Wium van Zyl gesels oor ONTDEKKINGSREISIGER OF SOLDAAT, sy vertaling van die Nederlandse Luc Panhuysen se boek oor die VOC-ontdekkingsreisiger Robert Jacob Gordon (1743-1795). Johan Myburg gesels oor die internasionale letterkunde.

Luister na die tweede gedeelte van Suzette Kotze-Myburgh se gesprek met die bekroonde skrywer en digter Petra Müller. Roela Hatting gesels met Ilse Salzwedel oor KAMEE, haar bundel kortverhale wat onlangs met die UJ-prys vir beste kreatiewe debuut bekroon is. En Johan Myburg gesels oor wetenswaardighede uit die internasionale letterkunde.

Die Hertzogprysbekroonde digter en skrywer Petra Müller gesels met Suzette Kotze-Myburgh oor haar lewe en werk. Vind meer uit oor inskrywings vir die Sanlamjeuglektuurprys vir 2017, en 'n opwindende nuwe veldtog wat aspirantskrywers aanmoedig om 250 woorde per dag te skryf. Vind uit oor ons nuwe veldtog om Suid-Afrika se boekhelde te vereer, en oor Wêreldboekedag wat op 23 April gevier word. Johan Myburg deel weer interessanthede uit die internasionale letterkunde.

Elmari Rautenbach het tydens die Woordfees met Alexander Strachan gesels oor sy nuwe roman BRANDWATERKOM. Luister na 'n uittreksel van hierdie gesprek. Ilse Salzwedel gesels met Santie van der Merwe, skrywer van GELYKE KANSE en VANDAT JY WEG is. Johan Myburg deel interessante internasionale boekenuus in sy weeklikse bydrae. En die wenners van die 2016 UJ-pryse vir beste Afrikaanse kreatiewe tekste word aangekondig.

Corina van der Spoel gesels met Pieter Duvenhage oor sy boek Afrikaanse Filosofie. Luister na 'n uittreksel van Danie Marais se Woordfees-gesprek met Craig Bartholomew Strydom en Stephen 'Sugar' Segerman oor hulle boek Sugar Man: The Life, Death and Resurrection of Sixto Rodriguez. En Johan Myburg gesels oor die internasionale letterkunde.

Corina van der Spoel gesels met Pieter Duvenhage oor sy boek Afrikaanse Filosofie. Luister na 'n uittreksel van Danie Marais se Woordfees-gesprek met Craig Bartholomew Strydom en Stephen 'Sugar' Segerman oor hulle boek Sugar Man: The Life, Death and Resurrection of Sixto Rodriguez. Johan Myburg gesels oor die internasionale letterkunde.

Luister na prof. Albert Grundlingh se Woordfees-onderhoud met die geskiedkundige Chris Schoeman oor sy boek DIE ONBEKENDE VAN GOGH, wat handel oor Vincent van Gogh se jonger broer wat in Suid-Afrika gewerk en gesterf het. Ilse Salzwedel gesels met Yvonne Beyers oor die splinternuwe kykNET/Rapportpryse vir boekresensies. Johan Myburg deel nuus uit die internasionale letterkunde.

Suzette Kotze-Myburg gesels met Bettina Wyngaardt oor haar nuwe spanningsroman, SLAAFS. Leon van Nierop gesels oor sy boek DAAR DOER IN DIE FLIEK, wat die laaste 120 jaar van die Afrikaanse filmbedryf dokumenteer. En Johan Myburg deel interessante nuus oor die internasionale letterkunde.