Ilse Salzwedel gesels weer oor skrywers en hul klankbane. Jy kan onder meer luister na die musiekkeuses van Chris Karsten, Sophia Kapp, Jaco Jacobs en Chanette Paul.

Ilse Salzwedel wou by 'n paar skrywers weet wat hulle gunstelingmusiek is om mee te skryf. Jy kan luister na die musiekkeuses van onder meer Kerneels Breytenbach, Peet Venter, Corlia Fourie, Schalk Schoombie en Christien Neser.

Die bekende kinderboekskrywer Freda Linde sou op 12 Desember haar honderdste verjaarsdag gevier het - jy kan luister na 'n argiefopname waarin Nic Swanepoel met haar gesels oor haar skryfwerk. Ilse Salzwedel gesels met drie bekende boekliefhebbers (Johan Myburg, Helen Schoer en Phyllis Green) oor hul gunstelingboeke van 2015. Johan Myburg gesels oudergewoonte weer oor die internasionale letterkunde.

Prof. Thys Human gesels met Ingrid Winterbach oor haar jongste roman, Vlakwater. Ilse Salzwedel gesels met Chanette Paul oor haar nuwe roman, Offerlam. Johan Myburg gesels oor die internasionale letterkunde, en John King van Graffiti gee raad oor lekker boeke vir die Kerskous.

Ilse Salzwedel gesels met die skrywer Francois Bloemhof en die akteurs Ivan Botha en Donnalee Roberts oor hulle gesamentlike nuwe boek VIR ALTYD. Johan Myburg deel interessante nuus uit die internasionale letterkunde. En Nicol Stassen van Protea Boekehuis verduidelik hoe outeursregte werk.

Suzette Kotze-Myburg gesels met Francois Loots oor sy nuwe roman, IN SNEEU GESKRYF. Prof. Hein Willemse gesels oor 'N VLAG AAN DIE TONG, 'n publikasie wat voortgevloei het uit die derde Swart Afrikaanse Skrywersimposium. En Johan Myburg gesels oor die internasionale letterkunde.

Ilse Salzwedel gesels met Irma Joubert, bekroonde skrywer van historiese fiksie, oor haar splinternuwe roman IMMER WES. Irma vertel ook van die belangstelling in haar werk in Nederland, Duitsland en die VSA, en hoe die markte verskil. Ilse Salzwedel gesels met die besoekende Nederlandse skrywer, Arnon Grunberg, skrywer van Tirsa, wat deur Lina Spies in Afrikaans vertaal is. Johan Myburg deel interessanthede uit die internasionale letterkunde, en gesels onder meer oor die daling in die verkope van e-boeke.

Corina van der Spoel gesels met die bekroonde skrywer Ivan Vladislavic. Die aktrise Hanna Grobler vertel hoe haar liefdadigheidsorganisasie, Hanna's Charity, lewens verander deur die biblioteke wat hulle in arm woongebiede oprig. Prof. Franci Greyling gesels oor Storiewerf, 'n gratis webwerf vol stories vir die kleingoed. En Johan Myburg gesels oor die internasionale letterkunde.

Skrywers en boeke 28 Oktober 2015

Skrywers en boeke 21 Oktober 2015