"Азаттык" президенттин алты убадасын алып, алар канчалык орундалганын талдап көрдү.

Кадимки отун жана газ жакпаган, зыяндуу заттарды айлана- чөйрөгө такыр бөлүп чыгарбаган конуш бар. АКШнын Колорадо штатындагы Geos конушун экоактивисттер, жашыл энергиянын жактыргандар, окумуштуулар жана курулуш жаатында иштеген адистер негиздеген. “Азаттыктын” кабарчысы жашыл конушта болду.

Өзбек президенти Мирзиёевдин Кыргызстанга сапарында 24 документ кабыл алынды. Президенттер чек араны тактоону “тарыхый окуя” деп аташты. Ал арада Кемпир-Абад ишине байланыштуу камакка алынган активист Атай Бейшенбекке дагы үч кылмыш иши козголду. Кыргызстандык Аян Алишеров Украинада каза болду.

31 жылдан бери “Азаттык” Кыргызстанда иштеп келатат. 70 жылдык тарыхы бар радионун Бишкек бюросу азыр “Азаттык Медиа” катары иштеп жатат. “Азаттыктын” 70 жылдыгына карата Бишкек бюросун 1998-2005-жылдар аралыгында жетектеген тарых илимдеринин кандитаты Кыяс Молдокасымов менен маектештик.

“Азаттыктын” айланасындагы окуяларга Кыргызстандын алыскы аймактарынан дагы тынчсыздануусун билдирген угармандар бар. Баткен шаарынын тургуну, жашы 80ге таяп калган Пайзилла Калилов өз жашоосундагы "Азаттыктын" орду тууралуу баян курду.

Автоунааларын милдеттүү камсыздандыруудан өткөрбөгөн айдоочуларга айып салуунун мөөнөтү жылдырылары айтылды. Өзбекстандын президенти Шавкат Мирзиёевдин Кыргызстанга мамлекеттик сапары башталууда. “Азаттыктын” сайтынын жана банк эсебинин бөгөттөлүшүнө каршы соттук арыздар каралууда.

Кемпир-Абад иши боюнча кармалып, камакта отурган активист Атай Бейшенбекке дагы үч кылмыш иши козголгону белгилүү болду. Кыргыз өкмөтү жакын арада "Улуттук энергохолдингди" жойгону жатканын жарыялады. Бир катар Европа өлкөлөрү Украинага кошумча курал-жарак берүүгө макул болушту.

““Азаттыктын” Кыргызстанга келгенинин өз тарыхы бар. Ага себепчи болгон инсан бул жолку мейманыбыз. Түгөлбай Казаковду биз мыкты композитор, обончу, жазуучу, публицист катары билебиз. Бирок, Түгөлбай Казаков “Азаттыкты” кыргыз жергесине алып келүүгө түздөн түз салым кошкон.

Ондогон медиа уюм “Азаттыкка” каршы доо арызды соттон чакыртып алууну талап кылды. Педофилди хирургиялык операция жолу менен кастрациялоо сунушу биринчи окууда колдоо тапты. Чүйдүн Москва райондук сотунда төкмө акын Болот Назаровдун иши кыскарып, ал эркиндикке чыкты.

Быйыл 18-мартта "Азаттыктын" обого чыкканына 70 жыл толот. Филология илимдеринин доктору, профессор, түрколог Кадыралы Конкобаев - "Азаттык" үналгысынын Кыргызстандагы алгачкы кабарчысы. Радиодо ал 1980-жылдардын аягы 1990-жылдардын башында иштеген. Аны менен Бишкек студиясында маектештик.