Соңку жаңылыктар

Садыр Жапаров президенттик шайлоодо жеңип чыкканы расмий жарыяланды. Мурунку президент Атамбаевдин жансакчысы Дамир Мусакеев үй камагына чыканы маалым болду. АКШ президенти Жо Байден ант берип кызматына расмий киришери менен Доналд Трамптын бир катар чечимдерин жокко чыгарды. Анын ичинде кыргыз жарандары кабылган виза чектөөлөрүн алып салууну караган документке да кол койду.

Депутат Акылбек Жапаров эмгек мигранттарын Москвага поездге салып жөнөтүүнү сунуш кылды. Эл өкүлүнүн эсебинде, учурда өлкөдө жумушсуздардын саны жарым миллион болду. Аялын өлтүрүп, өзу уу ичип алды деп шектелген 45 жаштагы эркек ооруканада каза болду. Парламент "Үй-бүлөлүк зомбулукка каршы күрөш жөнүндө" мыйзам долбоорун экинчи окууда карады. Вашингтондо АКШнын 46-президенти Жо Байдендин инаугурациясы өтөт.

Журналист Шаиста Шатманова басымга дуушар болгонун фейсбуктагы баракчасына жазды. Пландалган интервьюнун алдында, белгисиз тараптан "Матраимов темасын козгобо" деп бирөө телефондон чалып эскертен. Финансы полициясынын мыйзамсыз байлык топтогон деп шектелген аткаминери кармалды. Ырчы Самара Каримова караңгыда Оштогу окуу жайдын эшигин буздуруп кирип, директордун бөлмөсүн ээлеп алды.Оппозициячыл саясатчы Алексей Навальный Москвадагы «Матросская тишина» тергөө абагында 14 күн карантинде жалгыз отурат.

УКМК Мелис Аспековдун Жапыкеевге каршы көрсөтмө бергенин төгүндөдү. Башкы прокуратура активист Бакай Кашкарбаевге кылмыш ишин козгоду. Ак таңдай акын Элмирбек Иманалиевдин туулган күнүн утурлай эскерүү кечеси өттү.

Мурдагы президент Алмазбек Атамбаев грыжадан, жүрөк жана башка оорулардан жабыркап, дарыланууга муктаж. Адвокаттар аны абактан чыгарууну соттон өтүнүштү. Кримтөбөл Көлбаевдин уюшкан кылмыш тобунун дагы бир мүчөсү кармалды. Таанымал ырчы Самара Каримованы Оштогу музыкалык окуу жайдын жамааты кабыл албай жатат.

"Фейсбук" компаниясы Кыргызстанда жалган маалымат жайылткан жүздөгөн аккаунтту жапканын билдирди. Райым Матраимовдун өкүл баласы, Савай айыл өкмөтүнүн башчысы Мунарбек Сайпидинов казынага 1 миллион сом төлөп, үй камагына чыкты. Студенттер контракт акысын азайтууну суранып жатышат. Дүйнөлүк Саламаттык сактоо уюмунун эксперттери коронавирустун кайдан чыкканын иликтөө үчүн Кытайга келишти. COVID-19 вирусу алгачкы жолу былтыр жыл этегинде Ухань шаарында катталган.

Үй-бүлөлүк зомбулуктун дагы бир курмандыгы. Ысык-Көлдө күйөөсү кызганычтан улам, аялын муунтуп өлтүрүп, өзү уу ичип алган. Ош облусунда белгисиз адамдын огунан эки милиция кызматкери жарадар болду. Атайын териштирүү башталып, күнөөлүүлөрдү кармоо үчүн тиешелүү жерлерге посттор орнотулду. Орусиялык оппозиционер, Коррупция менен күрөшүү фондунун жетекчиси Алексей Навальный 17-январда Орусияга кайтып баратканын билдирди.

Кара-Суудагы айыл өкмөт башчысы Мунарбек Сайпидинов камакка алынды. Ал Райым Матраимовдун өкүл баласы, кантип байлык топтоп, аты-жөнүн өзгөрткөнү коомчулукка белгисиз. Экс-премьер-министр Кубатбек Боронов финансы полициясында сурак берди. Мекеменин башчысы Сыймык Жапыкеев пандемия маалындагы өкмөттүн жооптуу кызматкерлеринин иши караларын айтты. АКШнын Федералдык иликтөө бюросу - ФБР шайланган президент Жо Байдендин 20-январда өтчү инаугурациясынын алдында «куралдуу каршылык акциялары» болушу ыктымал экенин эскертти.

Шайлоонун жыйынтыгын тааныган жана ага каршы чыккан талапкерлердин пикирлери. Президенттик шайлоонун алдын ала жыйынтыктары боюнча алдыга чыккан талапкер Садыр жапаров Бишкектин борборунда чогулган элге келип сүйлөдү. Ал атаандаштарын кызматташууга чакырды. Казакстанда 10-январдагы парламенттик шайлоодо ондогон активист кармалды. Шайлоонун алгачкы жыйынты боюнча бийликтеги “Нур Отан” партиясы 71% жакын добуш топтоду.

5-6-октябрда жабыркагандар мурунку бийликтин жана уюлдук байланыш компанияларынын үстүнөн Башкы прокуратурага арыз жазышты.Токмокто өгөй атасынан кордук көргөн 15 жаштагы кыз кайра үйүнө барды. Өспүрүмдү зордуктоого шектелген жаран камалды. Орусияда жол кырсыгына кабылган чет өлкөлүктөрдүн көпчүлүгү борбор азиялык мигранттар.