Op 29 Mei kan jy jou demokratiese reg uitoefen en jou stem uitbring in die nasionale en provinsiale verkiesings.  Daar is heelwat praktiese inligting rakende die logistiek van die verkiesing waarvan jy moet kennis dra. Elsje van Jaarsveld praat met Jacques Jansen van die OVK oor spesiale stemme as jy tuis moet stem, of by ‘n ander stemlokaal as waar jy geregistreer is.

Goeie Vrydag is vir Christene ‘n belangrike dag waarop Jesus Christus gekruisig is op Golgota. Maar waarom word dit “Goeie” Vrydag genoem indien iemand moes sterf? Daar word ook gekyk of die Bybel in sowel die Ou as Nuwe Testament iets sê van so ‘n gebeurtenis.

Die Paastyd is 'n spesiale tyd van hoop, liefde en samesyn. Haidee Muller en Christine Wessels kuier by jongmense van verskillende kulture, gelowe en tradisies om meer uit te vind oor hulle ervarings van hierdie spesiale tyd van die jaar. (Hierdie is 'n heruitsending van 'n Befonk-program van 2012)

Anita Visser praat met die onafhanklike politieke kommentator, professor Pieter Duvenhage, oor die bekendstelling van die Vryheidsfront Plus se verkiesingsmanifes.

Jacques Jansen van die Onafhanklike Verkiesingskommissie praat oor die kriteria en vereistes waaraan onafhanklike kandidate moet voldoen om deel te neem aan vanjaar se nasionale en provinsiale verkiesings. Hy verduidelik hoe die nominasieproses werk, en wat dit alles behels.

Anita Visser praat met prof. Anthoni van Nieuwkerk van die Thabo Mbeki Skool vir Openbare en Internasionale Aangeleenthede oor die bekendstelling van die ANC se verkiesingsmanifes.

Jacques Jansen van die Onafhanklike Verkiesingskommissie verduidelik hoe die drie stembriewe sal lyk, wat kiesers op stemdag ontvang, asook hoe die stemproses werk. Hy verduidelik ook die verskillende maatreëls wat in plek is om te verseker dat geen stemme bederf word nie.

Anita Visser praat met Hermann Pretorius van die Instituut vir Rasseverhoudinge en politieke ontleder Theo Venter oor bekendstelling van die DA se verkiesingsmanifes.

Arehan Brand praat met Jacques Jansen van die Onafhanklike Verkiesingskommissie oor hoe hulle die stemproses so inklusief en toeganklik moontlik maak vir stemgeregtigde Suid-Afrikaners, deur middel van spesiale stemme.