Elsje van Jaarsveld voer gesprekke met slagoffers van geslagsgeweld. Die doel van die program is om mense wat moontlik in dieselfde situasie is, te bemoedig. Leyonie Marais vertel haar lewensverhaal. As klein dogtertjie het sy aanskou hoe haar pa haar ma erg mishandel, terwyl sy dikwels probeer het om jaar jonger broer te beskerm teen die geweld in die huis. As tienermeisie is sy herhaaldelik deur familielede seksueel misbruik, tot sy op ‘n dag wou vlug uit die huis.

Elsje van Jaarsveld voer gesprekke voer met slagoffers van geslagsgeweld. Die doel van die program is om mense wat moontlik in dieselfde situasie is, te bemoedig. In die vorige aflewering het Petro Kotze-Odendaal vertel van haar pa, wat ‘n uitermatige drankprobleem gehad het, en haar ma mishandel het. Sy vertel sy hoe dit haar lewenskeuses as volwassene beïnvloed het, en hoe sy verlos is van die mishandeling in haar eie huwelik.

Elsje van Jaarsveld voer gesprekke met slagoffers van geslagsgeweld. Die doel van die program is om mense wat moontlik in dieselfde situasie is, te bemoedig. In die eerste episode gesels sy  met Petro Kotze-Odendaal, wat haar aangrypende lewensverhaal vertel. Sy vertel van haar alkoholis-pa. In die volgende episode vertel sy verder van haar hoërskoolkêrel en later haar eggenoot, wat haar ook mishandel het.

Lizelle de Bruin praat met dr. Andries Cilliers oor die kruisiging van Jesus deur die lens van Psalm 23. Hulle neem jou op ‘n reis deur die dal van doodskaduwee, maar ook op ‘n reis van troos en sekerheid, en ‘n reis van die Kruis na die Kroon.

Elsje van Jaarsveld praat met ‘n siviele ingenieur wat ‘n produk ontwikkel het om water te  behandel deur die gebruik van skoontegnologie.

Innovasie in die landboubedryf lei tot nuwe inentings, beter siektebeheer en groter oeste. Die Nasionale Biosekuriteit-platform is geskep om navorsing te doen om innovasie in landbou te ondersteun. Elsje van Jaarsveld praat met dr. Marinda Visser, direkteur van van hierdie platform. Ons maak ook ‘n draai in die Noord-Kaap om uit te vind wat die impak wat die Meerkat-teleskoop is, word voorgestel aan astro-toerisme.

Die idees wat studente het, kan soms ‘n klomp probleme vir Suid-Afrika oplos. Hoe kan daardie idees in ‘n onderneming geskep word? Die Departement van Wetenskap, Tegnologie en Innovasie het ‘n projek begin om hierdie idees te omskep in ‘n volwaardige besigheid. Dit word gedoen deur ‘n student te ondersteun deur verskeie ondersteuningnetwerke by ‘n universiteit.  Elsje van Jaarsveld praat met Nickey Janse van Rensburg van die Universiteit van Johannesburg oor die tegnologiestasie-program.

Die program verken die wonderwêreld van wetenskap en tegnologie. Die fokus val op intellektuele eiendomsreg. Die departement van wetenskap, tegnologie en innovasie ondersteun klein en medium sakeondernemings om hulle kreatiewe idees intellektueel te beskerm. Ons hoor ook van die belangrikheid van kopiereg op musiek.