Deel 1: Wat verg dit regtig om jou lewe op die pad te bou, en wat leer so ’n lewe jou oor geld? Henco Kruger praat met die avonturier en televisie-aanbieder, Johan Badenhorst. Hy is die man agter die ikoniese Voetspore-televisiereeks wat al oor 25 jaar en 18 seisoene strek. Johan vertel hoe hy regte studeer het, hoe sy tyd by die SAUK hom op ’n totaal ander pad geplaas het, en hoe hy oor die jare geleer het dat sukses in hierdie bedryf nie net oor drome gaan nie, maar oor struktuur, kontrakte en finansiële realiteit. Die vraag is nie hoeveel geld jy het nie, maar of jy genoeg brandstof het om die reis te kan voltooi...

RSG plaas die kollig op die werk wat welsynsorganisasies en sorgsentrums doen, en hulle behoeftes. (Agri Relief Foundation)

Mareli Jooste vertel wat haar werk as produksiebestuurder op TV-produksies behels.

Deel 2: Derrich Gardner het vir Willem Pelser tydens Spitstyd ingestaan, en wat as ’n informele geselsie begin het, het vinnig ontwikkel in ’n eerlike en diepgaande gesprek oor geld. Henco Kruger en Derrich het eers van lug af gesels oor werk, verantwoordelikheid en die vreemde verhouding wat kunstenaars en mediapersoonlikhede dikwels met finansies het. Toe besef Henco hier lê iets besonders, en druk toe die opneem-knoppie. Wat gevolg het, is nie ’n formele onderhoud nie, maar ’n oop en eerlike gesprek. Derrich vertel hoe hy oor geld dink – nie net as ’n noodsaaklikheid nie, maar as ’n instrument. Hy raak aan temas soos finansiële dissipline, die druk van onsekere inkomste in die mediawêreld, en hoe ’n mens balans vind tussen passie en praktiese beplanning.

RSG plaas die kollig op die werk wat welsynsorganisasies en sorgsentrums doen, en hulle behoeftes. (The Southern Guards GC Foundation)

Willem Pelser gesels met Elize van Rooyen oor haar stokperdjie, metaalverklikking.

Deel 1: Derrich Gardner het vir Willem Pelser tydens Spitstyd ingestaan, en wat as ’n informele geselsie begin het, het vinnig ontwikkel in ’n eerlike en diepgaande gesprek oor geld. Henco Kruger en Derrich het eers van lug af gesels oor werk, verantwoordelikheid en die vreemde verhouding wat kunstenaars en mediapersoonlikhede dikwels met finansies het. Toe besef Henco hier lê iets besonders, en druk toe die opneem-knoppie. Wat gevolg het, is nie ’n formele onderhoud nie, maar ’n oop en eerlike gesprek. Derrich vertel hoe hy oor geld dink – nie net as ’n noodsaaklikheid nie, maar as ’n instrument. Hy raak aan temas soos finansiële dissipline, die druk van onsekere inkomste in die mediawêreld, en hoe ’n mens balans vind tussen passie en praktiese beplanning.

RSG plaas die kollig op die werk wat welsynsorganisasies en sorgsentrums doen, en hulle behoeftes. (Saamstaan Toevlugsoord, Alberton)

Slangvanger Eduanne Niemand van die Paarl praat oor slange en slangevang.

Deel 2: Vir talle kykers is sy Bridgette Jacobs in Suidooster, waar Denise Newman die afgelope tien jaar ’n vaste inkomste verdien - ’n seldsame stukkie stabiliteit in ’n bedryf wat selde finansiële sekuriteit bied. Maar Denise se pad strek veel verder as ’n langdurige televisierol. Lank voor die kollig het sy as maatskaplike werkster in Kaapstad gewerk, waar sy eerstehands ervaar het hoe vroue in gewelddadige huwelike vasgevang bly omdat finansiële afhanklikheid hulle sonder 'n uitkoms laat. Daardie belewenis van armoede, veerkragtigheid en die stille finansiële handel en wandel van oorlewing weerklink sterk in haar bekroonde vertolking in Shirley Adams, waar sy ’n ma vertolk het wat aan alle hoop vasklou te midde van swaarkry. Henco Kruger en Denise se gesprek beweeg tussen verhoog en skerm, tussen stabiliteit en stryd, en oor die ingewikkelde vryheid wat kom wanneer ’n vrou uiteindelik haar eie inkomste kan verdien.