Spitstyd

Spitstyd

By RSGSociety & Culture
Download on the App Store

Spitstyd episodes

  • RSG Help Plus: ID-Help Fisantekraal
    Fisantekraal is 'n gemeenskap net buite Durbanville in die noordelike voorstede van Kaapstad. Die ID-Help-projek het primêr ten doel om inwoners van Fisantekraal wat nie 'n ID het nie, by te staan om een te kry. Om beskadigde of verlore ID's te laat vervang, is redelik maklik, maar wanneer geboortesertifikate ontbreek en laat geboorteregistrasies moet plaasvind, raak die proses moeilik, uitgerek en duur. ID-Help Fisantekraal verskaf die bystand, administrasie en fondse vir mense om al hierdie struikelblokke te oorkom tot op die punt dat alle dokumentasie gereed is vir hulle om net hulle aansoek vir 'n ID te gaan indien. Ongedokumenteerde Suid-Afrikaners staar die volgende probleme in die gesig: Kan nie formeel vir werk aansoek doen nie; Het geen toegang tot enige regeringstoelaes of -hulp nie, soos SASSA-toelaes, kindertoelaes, behuising; Kan nie stem nie; Kan nie 'n bankrekening oopmaak nie; Kan nie 'n begrafnispolis besit nie; Kan nie 'n bestuurslisensie hê nie; Kan matriek skryf en 'n sertifikaat kry, maar sonder 'n geldige ID-nommer op die sertifikaat is dit niks werd nie. Nelleke Meintjes het met die projek begin.
    3 min
  • RSG Help: Fisantekraal Centre for Development
    RSG plaas die kollig op die werk wat welsynsorganisasies en sorgsentrums doen, en hulle behoeftes. Die Fisantekraal Centre for Development (FCD) is 'n Christelike nie-winsgewende organisasie in Durbanville en Fisantekraal, wat werklose mense bemagtig en oplei deur gesubsidieerde kursusse in onder meer besigheid, ambagte, gasvryheid en sorg. Die organisasie fokus op 'n holistiese benadering wat vaardigheidsontwikkeling, lewensvaardighede en praktiese werkservaring insluit om werksgeleenthede te bevorder. https://www.fisantekraal.org.za/
    13 min
  • Advies binne jou konteks: Jou reis na sukses met Momentum (Deel 4)

    Martin Riekert van Momentum Investments praat oor die werklikheidsreël oor aftree-inkomste, waarvan die meeste afgetredenes nog nooit gehoor het nie, en wat baie onwetend oortree. As jou lewenstandaard ‘n inkomste vereis wat die mark nie betroubaar kan lewer nie, dobbel jy met jou aftrede.

    8 min
  • RSG Help Plus: Seun dring deur na ATKV Redenaars-finaal
    RSG plaas in Mandelamaand die kollig op die werk wat welsynsorganisasies en sorgsentrums doen, en hulle behoeftes. Zenobia Daniels se seun, Zorian Mkobane van Sanddrif in Tsitsikamma in die Oos-Kaap, benodig fondse om op 4 Augustus 2026 by Klein Kariba in Limpopo deel te neem aan die ATKV Redenaarskompetisie se finale ronde. Die totaal vir vervoer en akkomodasie beloop sowat R7 090.00.
    3 min
  • RSG Help Plus: NERA - Naruna Estate Residents Association (Plumstead)
    RSG plaas in Mandelamaand die kollig op die werk wat welsynsorganisasies en sorgsentrums doen, en hulle behoeftes. Naruna Estate is 'n gemeenskap van 156 lae-inkomste behuisingseenhede. NERO is begin om minderbevoorregtes en haweloses in die Plumstead-omgewing te voed vanuit Beverley Strong se huis. NERA verskaf tee, koffie, sop en toebroodjies op ’n Donderdag, en ’n gekookte maaltyd op 'n Saterdag. Jong meisies en dames word voorsien met toiletware en terug-skool-toe-skryfbehoeftes en uniforms. Hulle probeer ook om een keer per maand basiese voedselpakkies vir seniors en enkelma-huishoudings te verskaf. NERA het ‘n Mandela-Dag veldtog wat by die plaaslike biblioteek gehou sal word.
    2 min
  • RSG Help Plus: 100 Myl vir Huis PJ Strauss & Huis Maudie Kriel (Ceres)

    RSG plaas in Mandelamaand die kollig op die werk wat welsynsorganisasies en sorgsentrums doen, en hulle behoeftes. Attie Heyns is 'n direkteur by KJH Law in Ceres. Hy is 'n passievolle langafstandatleet, iemand vir wie hardloop nie net 'n stokperdjie is nie, maar 'n lewenstyl en 'n manier om homself te toets. Op 31 Julie 2026 sal Attie die Washie 100 Miler aanpak, een van Suid-Afrika se mees uitdagende ultramarathons. Hierdie 160 kilometer lange roete strek van Cathcart in die Oos-Kaap tot by Oos-Londen en vereis maande se voorbereiding, opoffering en uiterste deursettingsvermoë. Vir Attie gaan dit oor meer as 'n wedloop. Dit gaan oor mense. Dit gaan oor teruggee. Dit gaan oor die bejaardes in Ceres wat hul lewe gewy het aan die opbou van hulle gemeenskappe en wat nou sorg en ondersteuning nodig het. Huis PJ Strauss en Huis Maudie Kriel is tehuise wat Attie na aan die hart lê, en hy het besluit om sy passie vir hardloop te gebruik om iets tasbaars vir hierdie inwoners te doen. Die doel van die veldtog is om R50 000 in te samel vir Huis PJ Strauss en Huis Maudie Kriel in Ceres. Vir anonieme skenkings kan individue 'n e-pos stuur aan [email protected] of gaan na https://www.backabuddy.co.za/campaign/100-myl-vir-huis-pj-strauss-huis-maudie-kriel

    3 min
  • RSG Help Plus: Abba Spesialis Aanneming en Maatskaplike Dienste

    RSG plaas in Mandelamaand die kollig op die werk wat welsynsorganisasies en sorgsentrums doen, en hulle behoeftes. Abba Spesialis Aanneming en Maatskaplike Dienste wil 'n direkte impak maak op die lot van die kwesbaarste kinders in die samelewing. https://www.abbaadoptions.co.za

    4 min
  • Kuns met kontant: Tarryn Lamb (Deel 2)
    'n Vars en herkenbare stem van moderne Suid-Afrikaanse musiek. Sy het haar as die hoofsanger van die bekroonde groep, BlackByrd, gevestig voordat sy haar eie suksesvolle sololoopbaan aangepak het. Gebore en getoë in Kaapstad, het sy van 'n jong meisie met 'n droom ontwikkel in 'n kunstenaar wat nie net musiek maak nie, maar ook haar eie handelsmerk bou in 'n wêreld waar kunstenaars vandag soveel meer as net sangers moet wees. Sy is sangeres, liedjieskrywer, aktrise en entrepreneur. Sy praat oor die werklikheid van die moderne musiekbedryf, die uitdagings van sukses, die druk van sosiale media, en die lesse wat sy langs die pad oor geld, werk en die lewe geleer het.
    9 min
  • RSG Help: The Children Their Faces

    RSG plaas die kollig op die werk wat welsynsorganisasies en sorgsentrums doen, en hulle behoeftes. The Children Their Faces is 'n geregistreerde organisasie sonder winsbejag in Reigerpark, Boksburg. Hulle ondersteun kwesbare kinders en gesinne, en fokus daarop om die siklus van beperkings te verbreek deur strukturele platforms vir jeugontwikkeling te bied. https://www.tctf.org.za

    11 min

About Spitstyd

From the publisher's feed

'n Huistoeryprogram met nuus, verkeersverslae, markverslae, sport, groensake, tegnologie en die lekkerste musiek, wat jou in 'n japtrap by die huis kry!