Spitstyd

Deel 1: Lianie May vertel vir die eerste keer dat sy en haar man drie kinders aangeneem het toe hulle klein was. Vandag is hulle volwassenes, en die paartjie voel trots en dankbaar om uiteindelik dié deel van hulle lewensverhaal te deel. Henco Kruger en Lianie May gesels ook oor haar ander groot passie — boerdery. Weeksdae werk sy voltyds saam met haar man op hulle plaas, waar sy met verstommende kennis oor landbou praat, van vee tot kontantvloei. Oor naweke verruil sy haar werkstewels en khakiklere vir verhoogskoene, wanneer sy weer die sangeres word wat gehore regoor die land bekoor. Sy vertel hoe hulle oor geld dink, hoe die plaas se finansies bestuur word, hoe haar musiekloopbaan as ’n besigheidsmodel funksioneer, en hoe dié finansiële beginsels deur die jare aan hulle drie kinders oorgedra is.

RSG plaas die kollig op die werk wat welsynsorganisasies en sorgsentrums doen, en hulle behoeftes. (NG Kerk Brakpan-Noord Kinderbediening)

Eon Hendricks vertel tien dinge wat jy van Stellenbosch moet weet.

Deel 2: Henco Kruger praat met een van die groot name in Afrikaanse joernalistiek en uitsaaiwese, die bekroonde Suzaan Steyn, voormalige radio-omroeper en televisienuusleser, en nou aanbieder van ‘n gewilde potgooireeks op Spotify. Suzaan gesels oor geld, grond en goeie besluite. Sy vertel ook van haar en RSG se boek, RAND EN SENT – JOU GIDS TOT SUKSESVOLLE FINANSIËLE BESTUUR, wat sy sewe jaar gelede uit dié geliefde RSG-program saamgestel het. Met haar kenmerkende stem vergelyk Suzaan slim finansiële beplanning met die versorging van ’n tuin – van die regte grond tot son, skaduwee en water op die regte tyd vir jou saadjies en plante wat jou beleggings in die lewe is. Sy deel ook nostalgiese stories uit haar kleurryke loopbaan in radio en televisie, en vertel van die lewenslesse wat sy oor dekades in die mediawêreld geleer het – lesse wat jou kan help om met groter insig oor geld te dink en beter finansiële keuses te maak.

RSG plaas die kollig op die werk wat welsynsorganisasies en sorgsentrums doen, en hulle behoeftes. (Huis Minette, Kariega)

Johan Nel vertel tien dinge wat jy van posseëls moet weet.

Deel 1: Henco Kruger praat met een van die groot name in Afrikaanse joernalistiek en uitsaaiwese, die bekroonde Suzaan Steyn, voormalige radio-omroeper en televisienuusleser, en nou aanbieder van ‘n gewilde potgooireeks op Spotify. Suzaan gesels oor geld, grond en goeie besluite. Sy vertel ook van haar en RSG se boek, RAND EN SENT – JOU GIDS TOT SUKSESVOLLE FINANSIËLE BESTUUR, wat sy sewe jaar gelede uit dié geliefde RSG-program saamgestel het. Met haar kenmerkende stem vergelyk Suzaan slim finansiële beplanning met die versorging van ’n tuin – van die regte grond tot son, skaduwee en water op die regte tyd vir jou saadjies en plante wat jou beleggings in die lewe is. Sy deel ook nostalgiese stories uit haar kleurryke loopbaan in radio en televisie, en vertel van die lewenslesse wat sy oor dekades in die mediawêreld geleer het – lesse wat jou kan help om met groter insig oor geld te dink en beter finansiële keuses te maak.

RSG plaas die kollig op die werk wat welsynsorganisasies en sorgsentrums doen, en hulle behoeftes. (Jogébed Kinder- en Jeugsorgsentrum, Upington)

Frans Roodt vertel tien dinge wat jy van ’n testament moet weet.

Deel 2: David Kramer vertel van sy reis van Worcester se stofstrate tot internasionale verhoë. Hy praat openlik oor ’n ernstige longsiekte wat sy energie beperk en sy fokus na ander prioriteite verskuif het. Hy gesels oor herinneringe aan sy tekstielstudies by die Universiteit van Leeds en as fabriekswerker voordat sy eerste langspeelplaat kultusaanhang in die Kaap geniet het, ondanks die SAUK se verbanning van sy musiek. Hy vertel hoe slim hy sy Volkswagenmikrobus-advertensies onderhandel het (ongewone hoë fooie in daardie die tyd én elke tweede jaar ’n nuwe bus ontvang het) en dié inkomste in aandele en eiendom belê het om uiteindelik ’n huis af te betaal. Hy vertel ook van sy rooi velskoene, en hoe hy geld daaruit gemaak het, asook van sy familieherkoms uit Litoue, hoe sy van na Kramer verander is, en dat “Onnerwater” sy allergunsteling lied van hom is.