Spitstyd

Spitstyd

By RSGSociety & Culture
Download on the App Store

Spitstyd episodes

  • Kuns met kontant: Pieter Steyn (Deel 1)
    Wat gebeur wanneer die man wat gewoonlik die vrae vra, skielik self in die warm stoel beland? Pieter Steyn is die stem en storieverteller agter RSG se Land en Sand, waarin hy met bekende Suid-Afrikaners gesels oor hul lewens, loopbane en die paaie wat hulle gebring het tot waar hulle vandag is. Hy is ook Op en Wakker se inhoudsregisseur en ’n televisieprogramvervaardiger met ’n besondere verbintenis tot programme oor landbou. Daar is één onderwerp waaroor Land en Sand nooit praat nie - geld. In hierdie samekoms ontmoet RSG se oggend-en middagprogramme wanneer Land en Sand en Kuns met Kontant se paaie kruis. Twee onderhoudvoerders sit oorkant mekaar – en dié keer praat hulle oor Pieter Steyn se eie loopbaan, kreatiwiteit, risiko, geld en die kuns om van sy passie ook ’n bestaan te maak.
    8 min
  • RSG Help: Daughters of Glory & Hosanna
    Lynette Theron gesels oor die Daughters of Glory & Hosanna. ’n gemeenskapsinisiatief vir vroue deur vroue, wat vanjaar ’n spesiale Vrouedag van lofprysing en aanbidding in Pretoria-Noord aanbied op 5 September. Die dag het ook ’n sterk gemeenskapsfokus.
    11 min
  • Almal en nog wat: 17 Jarige se video kry internasionale erkenning

    Bruwer Bornman is ’n jong Suid-Afrikaanse filmmaker wat fokus op kreatiewe video- en sportinhoud. Hy het onlangs internasionale erkenning gekry nadat een van sy video’s as een van vyf finaliste wêreldwyd in die World Athletics Media Challenge gekies is. Kyk die video by https://www.instagram.com/reel/Db3Ztbgsq2F/?igsh=bDZrOXQwbGNuZDV2

    11 min
  • Kuns met kontant: Fanie Cronjé (Deel 2)
    Wat maak dat jy by 'n huis instap en dadelik tuis voel? Waarom trek een restaurant, hotel of koffiewinkel jou onmiddellik aan, terwyl 'n ander jou koud laat? Is dit bloot mooi meubels en duur dekor, of lê die geheim veel dieper? Henco Kruger gesels met een van Suid-Afrika se bekendste stylkenners, Fanie Cronjé. Vir dekades lank het hy agter die skerms van ikoniese SARIE-voorblaaie gewerk, bekende Suid-Afrikaners gestileer en gewone ruimtes in buitengewone ruimtes omskep. Maar vandag gaan dit nie net oor mooi nie. Ons praat oor die waarde van ontwerp, die sielkunde van styl, hoe goeie smaak waarde kan skep, en waarom die regte atmosfeer soms die beste belegging is wat jy kan maak.
    9 min
  • RSG Help: Joburg To Jabulani By Any Means ten bate van HERD

    Op Wêreld-olifantdag (Woensdag 12 Augustus 2026) vertrek Kyle Malyon en Lauren Lewis op ’n reis van Johannesburg na Jabulani in Kapama, die tuiste van HERD (Hoedspruit Elephant Rehabilitation and Development). Die doel van die reis is om bewusmaking en fondse vir HERD te genereer en aandag te vestig op die belangrike werk wat die organisasie doen om weesolifante te versorg. HERD is Suid-Afrika se eerste amptelike weeshuis wat olifantkalwers red, rehabiliteer en integreer in 'n bestaande kudde. Die organisasie bied 24-uur mediese sorg en sosiale integrasie in 'n veilige omgewing vir weesolifante. https://herd.org.za/

    9 min
  • Almal en nog wat: The Waterhole Rugby Museum (Hanover)
    Willem Pelser gesels met Barry Naude oor sy private rugbyversameling. Hy versamel rugbymemorabilia sedert hy 10 jaar oud is. Sy fokus op is die geskiedenis en ontwikkeling van rugby in Suid-Afrika. The Waterhole Rugby Museum is op sy plaas Driekoppen in ‘n ou dam, wat toegebou is. Daar is is items soos die oorspronklike tokse wat leerspeke het, en die ou provinsies se truie langs die nuwe unies s’n.
    15 min
  • Kuns met kontant: Fanie Cronjé (Deel 1)
    Wat maak dat jy by 'n huis instap en dadelik tuis voel? Waarom trek een restaurant, hotel of koffiewinkel jou onmiddellik aan, terwyl 'n ander jou koud laat? Is dit bloot mooi meubels en duur dekor, of lê die geheim veel dieper? Henco Kruger gesels met een van Suid-Afrika se bekendste stylkenners, Fanie Cronjé. Vir dekades lank het hy agter die skerms van ikoniese SARIE-voorblaaie gewerk, bekende Suid-Afrikaners gestileer en gewone ruimtes in buitengewone ruimtes omskep. Maar vandag gaan dit nie net oor mooi nie. Ons praat oor die waarde van ontwerp, die sielkunde van styl, hoe goeie smaak waarde kan skep, en waarom die regte atmosfeer soms die beste belegging is wat jy kan maak.
    9 min
  • RSG Help: Beyond Borders Animal Sanctuary

    RSG plaas die kollig op die werk wat welsynsorganisasies en sorgsentrums doen, en hulle behoeftes. Beyond Borders Animal Sanctuary in Tzaneen, is 'n geregistreerde nie-wisngewende organisasie wat wildlewe en troeteldiere red, rehabiliteer en 'n permanente veilige hawe bied. Hulle fokus spesifiek op die rehabilitasie van eksotiese diere, herpette en papegaaie wat uit verwaarlosing of onwettige handel gered is. https://beyondbordersanimals.com/

    11 min
  • Vakansie in Zimbabwe?
    Vir baie lank is Zimbabwe as ‘n vakansiebestemming vermy. Dis veral sedert die vroeë 2000’s met die plaasonteienings en hiper-inflasie wat die land – eens bekend as Afrika se broodmandjie – ontaard het in ‘n plek om liefs te vermy. Wêreldreisiger, TV-aanbieder en toerleier, Gerrie Pretorius, het onlangs in ons noordelike buurland gaan besoek aflê...
    13 min

About Spitstyd

From the publisher's feed

'n Huistoeryprogram met nuus, verkeersverslae, markverslae, sport, groensake, tegnologie en die lekkerste musiek, wat jou in 'n japtrap by die huis kry!