Jón Óttar Ólafsson, fyrrverandi rannsóknarlögreglumaður, er nýjasti gestur Spjallsins með Frosta Logasyni. Ólafur Þór Hauksson héraðssaksóknari hefur sakað Jón Óttar og félaga hans, sem nú er fallinn frá, um að hafa stolið gögnum frá sérstökum saksóknara. Jón Óttar hafnar þessu og segir gögnin einfaldlega hafa verið á tölvum þeirra vegna þeirrar vinnu sem þeir unnu fyrir embættið á sínum tíma. Árið 2012 kærði Ólafur Jón Óttar og félaga hans fyrir brot á þagnarskyldu en Jón Óttar segir þá kæru einungis hafa verið yfirvarp yfir þá staðreynd að starfsmenn sérstaks saksóknari hafi á þeim tíma unnið samtímis fyrir bæði embættið og slitastjórnir, með fullu samþykki Ólafs. Jón segir málið hafa verið látið niður falla þegar hann sýndi ríkissaksóknara fram á þetta. Jón Óttar heldur því fram að Ólafur hafi í raun sjálfur lekið gögnunum til fjölmiðla nýlega, en það segir hann hafa verið viðbragð Ólafs við því að Jón Óttar kærði hann fyrr í vetur til nefndar um eftirlit með störfum lögreglu.

Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/