Gunnar Þorsteinsson, fyrrverandi forstöðumaður Krossins, er nýjasti gestur Spjallsins með Frosta Logasyni. Hann rifjar hér upp áfallið sem dundi yfir þegar móðir hans var myrt í desember 1999. Hann talar um mikilvægi fyrirgefningarinnar og hvernig hann tók þann pól í hæðina að fyrirgefa morðingjanum í stað þess að burðast með hatur í brjósti um aldur og ævi. Gunnar segir það hafa verið sérlega þungt að fjölmiðlar hefðu í fyrstu talið að móðir hans hefði verið myrt af manni sem ætlaði að ná sér niðri á honum. Að hann bæri þannig að ákveðnu leyti ábyrgð á morðinu. En hann segir lán í óláni að lögregluvarðstjórinn Geir Jón Þórisson hafi verið á vakt kvöldið þegar morðið átti sér stað því hann hefði verið fjölskyldunni til halds og traust alla nóttina á eftir.Fáðu þér áskrift og sjáðu alla þætti á Brotkast í fullri lengd inni á https://brotkast.is/askrift/