Avant paucas emnas era la festa da chant chantunala. Uss la stad è il temp dals festivals in temp per sa scuntrar cun ses amis e far festa. Star da cumpagnia e festivar in zic, quai fan er «Noss Chors» oz. Nus Rumantschs stain bain savens da cumpagnia e faschain festa, e sche quai è il cas, lura vegn bainprest chantà cun corp ed olma. Perquai possedain nus era in vast repertori da chanzuns da cumpagnia. Insaquantas da quellas udin nus oz en l'emissiun «Noss Chors».