Í tveimum sendingum herfyri greiddi 91 ára gamla Henny Egholm í Havn frá sínum uppvøkstri í Sumba uttan mammuna, og tá hon sum 12 ára gomul kom til Havnar at ganga í skúla og búði saman við mammuni undir SERA trongum umstøðum.

Henny fekk altíð at vita, at pápin var norðmaður og æt Hans Hansen, og at hann doyði við skipi við Ísland sama ár sum hon varð fødd.

Nú er so komið fram, at hetta passar ikki. Og nú hava nøkur norsk skyldfólk - eftirkomarar hjá hálvbeiggjanum Einari - verið í Føroyum fyri at hitta Henny.