Við javnleiki 1-1 móti Sheriff Tiraspol megnaði KÍ fyri viku síðani enn einaferð at røkka einum glæsiligum úrsliti.

Og nú KÍ og moldovska liðið bresta saman aftur á útivølli í kvøld, ringja vit til KÍ-formannin, Tummas Lervig.

Tað eru 18 ár síðani, at nógv spælda fløgan hjá gentubólkinum Poppkorn kom á marknaðin í 2005 og nú eru sangirnir eisini at finna á Spotify. Forsangarin, Lillian Dalsgaard var bara 14 ára gomul, tá ið hon brádliga gjørdist landskend. Vit práta við hana um tíðina í Poppkorn

Samvera og tónleikur hevur stóran týdning fyri trivnaðin á einum staði, og í besta veðri farna leygarkvøld var á triðja sinni skipað fyri Suðurljóði á Tvøroyri - ella rættari sagt, í Trongisvági. Vit spyrja ein av fyrireikarunum, Súsonnu Bertholdsen, um eitt nú hvønn týdning eitt tiltak sum hetta hevur.

Og vit fáa feskastu veðurforsøgnina frá Hanusi Kjølbro á Veðurstovu Føroya.

Tú kanst hoyra sendingina her!