Vit fara í hesi sending ein túr til Sandavágs, har Vága kommuna, í samstarvið við Flogbóltssamband Føroya, er farin undir ein sandflogbótlsvøll á Valloyrini.

Tað skal eisini snúgva seg um astrofysik, tí í løtuni snarar jørðin eitt pikkalítið sindur skjótari runt, og tí verður døgnið um eitt mikrosekund styttri. Tað hevur so at siga ongan týdning fyri okkum, men kann gera, at vit um nøkur ár noyðast at stytta samdøgrið við einum sekundi, vísur David Arge Klevang, professari á DTU á.

Og so fara vit ein túr til guðstænastu við Gjógv og eisini at tosa um vitlíki og prædikur. Tí sunnudagin varð útiguðstænasta í Gjónni við Gjógv, har Derhard Jógvansson prædikaði og nógv musikalsk innsløg vóru á skránni. Tórður Mikkelsen var til guðstænastuna, og hevur tosað við Derhard um prædikur og vitlíki.