Sunnudagssögur

Hrafnhildur Halldórsdóttir ræðir við Þóru Valnýju Yngvadóttur stjórnenda- og fjármálamarkþjálfa. Þóra segir frá uppvextinum í Bárðardal, því þegar hún flutti í Garðabæinn og breytingunum sem urðu við að flytja á mölina. Hún segir frá vistinni á heimavistarskóla á Laugarvatni, bílslysi sem hún lenti í þar sem einn vinurinn lést og hvernig það mótaði hana til lífstíðar. Hún segir frá ævintýraþránni, árunum í Versló, búsetu sinni á Englandi, vinnunni hjá Kaupþingi og Landsbankanum. Hún segir frá ferðaþránni og atvikum sem hún hefur lent, m.a. í í Feneyjum á Ítalíu og í Víetnam. Loks segir hún frá starfi sínu sem fjármálamarkþjálfi og detox-meðferðum sem hún stendur fyrir í Hveragerði.

Hulda G. Geirsdóttir ræddi við Jóhönnu Þorbjörgu Magnúsdóttur lögreglukonu og hundaþjálfara. Jóhanna ólst upp í Skagafirði og lítur á sig sem Skagfirðing en hefur þó verið búsett drjúgan hluta ævinnar í Holtunum á Suðurlandi. Hún sagði frá uppvexti sínum, krefjandi en skemmtilegu starfi sínu í lögreglunni og hundaþjálfun sem hún lærði í Texas í Bandaríkjunum. Hún fór líka yfir lífsins áskoranir sem hún hefur fengið sinn skammt af, m.a. var hún hætt komin við fæðingu fyrra barns síns og nýverið greindist hún með heilaæxli. En þessi kraftmikla unga kona lætur ekki bugast og horfir björtum augum fram veginn.

Gestur jólaþáttar Sunnudagssagna er tónlistamaðurinn Jógvan Hansen.

Umsjón: Alex Elliott.

Lög þáttarins eru:

Jól á sjó - Jógvan Hansen

Hvør skuldi gamlar gøtur gloymt - Jógvan og Flamma

Eg eri jólamaðurin - Vestmenn

Jólanætur - Danny & The Veetos

Náttin føgur - Jógvan Hansen

Seyðfirðingurinn Jafet Sigfinnsson ræðir við okkur um sína upplifun af því þegar aurskriða féll á bæinn fyrir ári síðan. Æskuheimili Jafets lenti í miðri skriðunni og hann ásamt fjölskyldu sinni var þar þegar hún féll.

Umsjón: Hafdís Helga Helgadóttir

Lög spiluð í þættinum:

Jólin eru okkar - Baggalútur ásamt Valdimar Guðmundssyni og Bríet

Jólasnjór -KK og Ellen

Æskujól -Salka Sól

Hrafnhildur Halldórsdóttir spjallar við Óskar Finnsson veitingamann um lífsstarfið, fjölskylduna ástríðuna fyrir matargerð, búsetu í Bretlandi og á Spáni og uppvextinum á Seyðisfirði. Hann ræddi veitingaflóru landsins, árin á Argentínu og því hvernig hann berst af miklu æðruleysi við banvænan sjúkdóm. Hann sagði frá hvernig hann tekst á við hvern dag með því að hugsa vel um heilsuna og matarræðið og hvernig honum líður best innan um vini og kunningja og fjölskyldunnar.

Tinna er drottning heklunálarinnar á Íslandi. Milljónir áhorfa eru á heklmyndbönd hennar á Youtube og allar heklbækurnar hennar eru uppseldar nema ein. Um hana hefur einnig verið gerð heimildarmynd og hún selur hekluppskriftir um allan heim. En það er ekki allt því Tinna býr með annan fótinn á Kúbu og hefur gert síðan 2005.

Hrafnhildur ræddi við Axel Rúnar Guðmundsson frá Valdarási í V- Húnavatnssýslu sem sagði frá uppvextinum í sveitinni, leyndarmálinu um að hann væri tökubarn, eineldtinu í grunnskóla sem síðar leiddi til þess að hann reyndi að taka sitt eigið líf. Hann sagði frá fótboltanum, séra Róberti Jack sem er mikill örlagavaldur í lífi hans. Hann sagði frá ferðinni til Manchester United þegar hann fékk að æfa og spila með liðinu, en hann spilaði síðar í Frakklandi fyrir tilstilli Alberts Guðmundssonar. Hann sagði frá fjölskyldunni, veikindum sem hann glímir við og því hvernig Guðni Ágústsson hafði þau áhrif að hann ákvað að koma út með sögu sína.

Gestur þáttarins er Anna Guðbjörg Cowden, pródúsent hjá CCP Games.

Umsjón: Alex Elliott.

Lög þáttarins eru:

Don't You Worry Bout a Thing - Stevie Wonder

Satisfied - Hamilton (Original Broadway Cast Recording) Make Me Feel - Janelle Monáe

I Will Follow You Into the Dark - Death Cab for Cutie

I - Kendrick Lamar

Í Síðasti Skipti - Friðrik Dór

Gerður Arinbjarnardóttir eða Gerður í Blush eins og hún er oft kölluð segir okkur sína sögu.

Sigtryggur Berg er listamaður af guðs náð. Hann málar, teiknar og fremur gjörninga sem skilur fólk eftir sem stórt spurningarmerki. Hann elskar Billy Joel, Kiss, dauðarokk og er í hljómsveitinni Stilluppsteypu sem varð "heimsfræg" í Japan!