Halldór Nellett, skipherra á varðskipinu Þór, lauk tæplega hálfrar aldar ferli hjá Landhelgisgæslunni í fyrra. Ferill Halldórs hjá Landhelgisgæslu Íslands er bæði farsæll og viðburðaríkur. Hann einkennist af fórnfýsi, útsjónarsemi og ástríðu fyrir björgunarstörfum.

Hrafnhildur Halldórsdóttir ræðir við forseta borgarstjórnar Reykjavíkur Alexöndru Briem um uppvöxtinn í Reykjavík, nám og störf og það ferli sem hún fór í gegnum í áttina að því að verða transkona. Hún ræddi kynáttunarvandann sem kom ekki skriður á fyrr en eftir að hún fékk ADHD greiningu og hvernig hlutirnir hafi gengið hratt eftir það. Hún ræddi stjórnmálin, störfin í borgarstjórn áhugamál og ýmislegt fleira.

Gígja Hólmgeirsdóttir ræddi við hótelstjórann Davíð Kristinsson. Davíð starfar einnig sem slökkviliðsmaður hjá Brunavörnum á Austurlandi og er varaformaður björgunarsveitarinnar Ísólfs á Seyðisfirði. Hann var einn af mörgum sem unnu baki brotnu þegar aurskriður féllu á Seyðisfjörð í desember. Davíð sagði frá uppvextinum á Akureyri, íshokkíferlinum og störfum sínum á hinum ýmsu börum og klúbbum á Íslandi og í Danmörku. Hann ræðir einnig um stöðuna á Seyðisfirði eins og hún er í dag og hvernig hann sér framtíðina í þessum töfrandi en laskaða bæ.

Hulda G. Geirsdóttir ræddi við Dagnýju Maggýjar Gísladóttur um líf hennar og störf. Dagný deildi m.a. átakanlegri sögu móður sinnar sem veiktist alvarlega á geði eftir aðgerð á sjúkrahúsi og festist í svartnætti þunglyndis og kvíða sem svo dró hana til dauða. Dagný skrifaði sögu móður sinnar í bókinni Á heimsenda sem út kom árið 2018. Þá kom nýleg bók hennar, Lífið á vellinum, einnig við sögu, en þar skyggnist hún inn fyrir hliðið á herstöðinni á Keflavíkurflugvelli sem var og hét.

Andri Freyr Viðarsson ræðir við Þorbjörgu Þorvaldsdóttur sem er bæði grunnskólakennari ásamt því að vera formaður Samtakanna 78. Þorbjörg vann einnig um tíma sem flugfreyja og barþjónn á Grand Rokk. Hún fór á unglingsárunum í heimsreisu sem byrjaði ansi brösulega og einnig segir hún frá því þegar hún kom út úr skápnum í Hondúras þar sem hún var skiptinemi.

Hrafnhildur Halldórsdóttir ræddi við Björn Inga Hilmarsson leikara um æskuárin á Dalvík, leikfélagið þar í bæ, fjölskylduna, bróðurmissi og ýmislegt fleira. Hann sagði frá leiklistarskólanum, þegar hann greindist með krabbamein á fyrsta ári í skólanum, dvölinni í Svíþjóð og mörgu öðru.

Gígja Hólmgeirsdóttir ræddi við leikkonuna Birnu Pétursdóttur í hljóðveri á Akureyri. Birna er þessa dagana að leika í fjölskyldusöngleiknum Benedikt búálfi og gamanleiknum Fullorðin hjá Leikfélagi Akureyrar. Birna ræðir uppvöxtinn á Egilstöðum og hvernig hún hefur unnið ötullega að því í gegnum tíðina að geta starfað sem leikkona. Hún segir einnig frá listrænum tengingum aftur í ættir og frá ferðalagi sínu á slóðir íslenskra mormóna í Utah.

Hulda G. Geirsdóttir ræddi við Arnar Helga Lárusson formann SEM samtakanna sem lamaðist í mótorhjólaslysi 26 ára gamall, en lætur ekkert stoppa sig. Hann var afreksmaður í hjólastólakappi en stundar nú handhjólreiðar og stefnir á að hjóla 400km í sumar í þeim tilgangi að safna fyrir hjólum handa hreyfihömluðum enda segir hann hreyfingu og útivist gríðarlega mikilvæga fyrir hreyfihamlaða.

Leikarinn þjóðþekti Björn Thors er gestur þáttarinns. Rætt var um æskuna, ferilinn, fjölskylduna og nútímann.

Hrafnhildur Halldórsdóttir ræðir við Erlu Björnsdóttur doktor í svefnrannsóknum. Erla segir frá uppvextinum í Reykjavík, Neskaupsstað, skiptinemaárinu í Mexíkó og menntaskólaárunum í MA. Hún ræddi fjölskylduna, ástina og auðvitað svefninn.