Taaldinge

8 November 2026: As deel van die UP se taalontwikkelingsplan bied hulle aanleerderskursusse in Afrikaans en Sepedi aan. Daar is ook pedagogiekkursusse oor die skepping van veeltalige ruimtes, en taalbewuste assessering. Ina Strydom praat met prof. Nerina Bosman, dr. Margaret Marggraff en Retha Alberts hieroor. Hulle praat ook oor die groot belangstelling wat spesifiek die Afrikaans-aanleerderskursus ontlok, ook vanuit die buiteland.

1 November 2026: Epistemiese toegang tot tersiëre onderwys is veel meer as toelating tot kursusbywoning. Dit handel ten diepste oor toegang tot kennis. As deel van die UP se taalontwikkelingsplan bied hulle aanleerderskursusse in Afrikaans en Sepedi aan, sowel as pedagogiekkursusse. Ina Strydom praat met prof. Nerina Bosman, dr. Margaret Marggraff en Retha Alberts hieroor.

25 Oktober 2026: Prof. Elsabe Taljard en dr. Michelle Goosen wat albei betrokke is by die UP se taalontwikkelingsplan, vertel vir Ina Strydom meer oor die funksie van veeltalige terminologie in die Suid-Afrikaanse tersiêre konteks; hoe waarde toegevoeg word; en hoe Kunsmatige Intelligensie gebruik word.

18 Oktober 2026: Die bestuurshoof van die Suid-Afrikaanse Akademie vir Wetenskap en Kuns, dr. Annelise de Vries, vertel vir Ina Strydom meer oor van die onderwerpe wat by hulle onlangse simposium oor Kunsmatige Intelligensie bespreek is; en watter voordele en watter risiko’s uitgelig is.

11 Oktober 2026: Prof. Elsabe Taljard en dr. Helena Kruger-Roux van die Universiteit van Pretoria vertel vir Ina Strydom meer oor dié Universiteit se nuwe taalbeleid; wat dit behels; waarom dit nodig was; en watter faktore ‘n rol speel by die opstel en inwerkingstelling van ‘n taalbeleid.

4 Oktober 2026: Die redakteur van Dinamies Afrikaans, ‘n Afrikaans handboek vir die intermediêre fase, Elmarie Lubbe, vertel vir Ina Strydom wat in die boek gedek word; hoe dit benader is en wie dit kan gebruik. Die Kommunikasiehoof van die Afrikaanse Taalmonument, Sybrandus Adema, vertel meer oor van die projekte wat die ATM oor die volgende maande aanbied.

27 September 2026: Prof. Terrence Carney van Unisa vertel vir Ina Strydom wat taalmisdaad is, en hoe taalkundiges kan help om dié tipe taalgedrag te identifiseer. Dit sluit elemente soos intimidasie, aanhitsing en teistering in. Hy verduidelik hoe taalkundiges kan help om aan te toon dat dié gedrag wel die bedoeling van die spreker was.

20 September 2026: Prof. Wium van Zyl is onlangs bekroon met die UJ-Vertaalprys vir sy vertaling van DIE ONGELUKKIGE EN TREURIGE VERHAAL VAN DIE SKIP DIE GOUDEN BUYS 1693 uit die 17de eeuse Nederlands in Afrikaans. Hy vertel vir Ina Strydom waar sy belangstelling in vertaling vandaan kom; watter ander werke hy vertaal het; en waarom vertalings uit die wêreldliteratuur in Afrikaans, noodsaaklik is.

13 September 2026: Is kleurryk en kleurvol volledige sinonieme; en wat is die verskil tussen visioenêr en visionêr? Dié en ander taalnavrae word deur Alet Cloete en Gerhard van Wyk van die Woordeboek van die Afrikaanse Taal beantwoord.

6 September 2026: Dr. Alison Stander van die Departement Afrikaans en Nederlands, Duits en Frans aan die Universiteit van die Vrystaat vertel vir Ina Strydom van Ella, die KI-kletsbot wat ontwikkel is om studente te ondersteun wat Afrikaans as ‘n addisionele taal aanleer.