Wat is die verskil is tussen moraal en moreel? En wat is 'n goeie Afrikaanse woord vir bedside manners?

Prof. Bertus van Rooy van die NWU se Vaaldriehoekkampus praat met Ina Strydom oor hoe en hoekom nuwe woorde gevorm word. Woorde soos gegoogle; sms en banting word as voorbeelde bespreek.

Magdaleen Krüger gesels oor gholfterme in Afrikaans. Die woorde van die week is ondeund en oogpister.

Die voorsitter van die Taalkommissie, prof. Gerhard van Huyssteen vertel meer oor woorde wat tydens die pasafgelope sitting in die Woordelys en Spelreëls opgeneem is. Dit sluit woorde soos poenankies en falafel in. En die woorde van die week is onbesuis en onbeholpe.

Ons gesels oor Afrikaans se prestasie in die ruimte, oor 'n skarawindjie en ons hoor of 'n mens hol, hardloop of nael…of dalk iets heel anders?

Taalkundige prof. Ernst Kotze praat oor die hutsmerk en die emotikon wat verlede jaar as woorde van die jaar aangewys is. En die woorde van die week is balhorig en baldadig.

Verskeie bekendes vertel wat hulle bestempel as Afrikaans se mooiste woorde.

Die posisie van die klem in 'n pleknaam bepaal dikwels die betekenis van die naam, soos in Modimolle. En in Woord van die Week sê ons of dit 'n goeie of slegte ding is as iemand vir jou sê jy is 'n hedonis.

Wat is die vereistes en reëls vir suksesvolle storietaal of dialoog? Die skrywer en resensent Leon van Nierop vertel hoe dialoog in verskillende mediums ontwikkel en verander het.

Magdaleen Krüger hanteer taalnavrae.