「摵仔麵」毋是「切仔麵」！

共麵囥入去「麵摵仔」了後，才閣「摵摵咧」，這，就是「摵仔麵」。
真濟咧賣摵仔麵的麵擔仔，攏會佇khǎng-páng頂懸寫「切仔麵」。
雖然字是毋著的，猶毋過，你若是去問頭家，啥物號做「切仔麵」，伊絕對會照「摵仔麵」的煮食原理講予你聽。
愛會記得喔！「摵仔麵」毋是「用切的麵」，是佇料理的時陣，「摵摵咧予熟的麵」。


Powered by Firstory Hosting

「草」囥佇名詞後壁的時陣，有「狀況、程度」的意思。
譬論講，「花草」會當提來形容物件頂懸的花樣；「漢草」會使形容一个人的體格；「路草」代表一个所在的路況。

Powered by Firstory Hosting

無仝款的果子愛按怎處理咧？

王梨、西瓜、椰子，這款較大粒的果子，咱會用「刣」的；若是較小粒的，親像菝仔、楊桃佮蓮霧，會用「切」的。
拄著有皮的果子，會當先共皮「削」掉，譬論講蘋果、梨仔；抑是「剝」開，譬論講龍眼、柑仔佮弓蕉。

共遮的果子攏總處理予好了後，就會當提來食啊喔！

Powered by Firstory Hosting

「手指」毋是「手指頭仔」；「手指」是結婚的時陣，新郎佮新娘咧掛的。

「手指頭仔」有五指：
頭指號做「大頭拇」、「tuā-pù-ong」；
第二指號做「二指」、「指指」；
第三指佇中央，所以號做「中指」；
上尾兩指號做「尾二指」、「尾指」。

Powered by Firstory Hosting

「錢毋是萬能，無錢是萬萬不能」

佮「銀角仔」相比，逐家應該閣較佮意「銀票」；佮「小張的」相比，逐家應該閣較佮意「大張的」。
現此時的「大張的」一般是形容一千箍、兩千箍。
猶毋過，較早錢較厚的時，「一百箍」就已經真大張啊！
所以，人咧講「大百的」，意思就佮「大張的」相仝。

Powered by Firstory Hosting

「裝」vs「貯」

若是欲形容共物件囥入去橐仔內，咱較定用「貯」。
嘛會使「提菜籃來貯菜」、「提碗來貯湯」。
「裝」較定使用的情形是，共物件囥入去較密封的空間內底，親像「裝入去盒仔內」。

Powered by Firstory Hosting

「便(piān)」：簡單、款便便。

「來阮兜食一个便菜飯啦~」
這句話的意思可能是主人真正去買外口的便菜，來予逐家食一个粗飽。
毋過，另外一个較定聽著的意思是，為著莫予人客有壓力，就講遮个攏是「平常時款便便的菜」，毋是啥物蓋特殊的物件。

Powered by Firstory Hosting

「規工欸~」


「規」有規个、完全的意思，譬論講，「規小時」、「規早起」、「規年迵天」。
除了用佇時間頂懸以外，嘛定定提來形容空間。親像過年的時陣，親戚五十攏來厝內行踏，定定會真濟囝仔，就號做「囝仔規厝間」。

閣有一个較特別的用法是「規路」，這个詞會當用來表示時間，親像，台北駛到高雄真遠，我坐佇後壁睏規路；嘛會當提來表示「規條路」這个空間，譬論講，逐年的新北耶誕城，對板橋捷運站到市民廣場，規路攏是人。

Powered by Firstory Hosting

「銀角仔」vs「零星」

「銀角仔」：一箍、五箍、十箍、五十箍。
「零星」：銀角仔、相對較小的單位佮數量。

大部分的「零星錢」攏是「銀角仔」，猶毋過「零星錢」無一定是「銀角仔」。

Powered by Firstory Hosting

「寒」vs「冷」

一般來講，「寒」是形容氣候的寒，是人體的感受。親像畏寒，就是咱破病的時，穿閣較濟領衫，猶是會感覺真寒。按怎穿攏無夠。「冷」代表物件的溫度真低，譬論講，冷水，冷飯。

照寒的程度來分，會當講，寒、足寒、寒甲咇咇掣、寒甲會寒(gân)人。

Powered by Firstory Hosting