Al Tavulin litterar sa scuntran questa giada Bettina Vital, romanista ed amatura da cudeschs, e Claudia Knapp, dunna da cultura e cuntadina d'ulivas. En il center da l'emissiun stattan dus cudeschs da duas auturas grischunas che preschentan lur emprims romans. Discutà vegn sur da «Widerschein» dad Anita Hansemann e «Almas Rom» da Patrizia Parolini.

Il roman da début dad Anita Hansemann ans maina en il Partenz, en in mund da ditgas, superstiziuns e da las forzas da la natira. L'autura descriva cun gronda sensibilitad las emoziuns dad abitants ed abitantas.

«Almas Rom» è l'istorgia d'ina giuvna che sto bandunar Roma per turnar cun la famiglia en il Puschlav. En il Grischun chatta ella sia via, ma quai che resta è la brama per la citad eterna.