ትኩረት በአፍሪቃ | Deutsche Welle

ሱዳንን ላለፉት 30 ዓመታት ሱዳን በፕሬዝዳንትነት የመሩት ኦማር አልበሽርን ከስልጣን እንዲነሱ ለወራት ሲደረግ የነበረው ተቃውሞ በዚህ ሳምንት ፍሬ አፍርቷል። ሆኖም ሰላማዊ ሰልፈኞቹ አሁንም የጎዳና ተቃውሟቸውን አልገቱም። አልበሽርን ተክተው መሪነቱን የያዙት ወታደራዊ መኮንኖች ስልጣኑን ለሲቪል አስተዳደር እንዲያስረክብ መወትወታቸውን ቀጥለዋል።

የአብዱልአዚዝ ቡቶፍሊካ ስንብት እና የአልጄሪያ ፈተና ፣ የሩዋንዳ የዘር ጭፍጨፋ 25ኛ ዓመት መታሰቢያ፣ የጋዜጦች ዓምድ

ከ25 አመታት በፊት በርዋንዳ የተካሄደውን የዘር ማጥፋት መታሰቢያ እና አፍሪቃን በሚመለከቱ ርዕሰ ጉዳዮች ላይ የጀርመን ጋዜጦች ያስነበቡት

ኢዳ በተባለው ኃይለኛ ማዕበል በተመታችው ሞዛምቢክ የሞቱ ሰዎች 417 ደርሰዋል። በዚምባዌ ሌሎች 259 ሰዎች ሲገደሉ 300 ገደማ የገቡበት አይታወቅም። በሰዓት 200 ኪ.ሜ. የነጎደው የኢዳ አውሎ ንፋስ ተራራ እየናደ መኖሪያ ቤቶች ቀብሯል። ትምህርት ቤቶች፣ የጤና ተቋማት ወድመዋል። ከአደጋው የተረፉ ኮሌራን ለመሰሉ ተላላፊ በሽታዎች ተጋልጠዋል።

ኬንያ ከአለም አራት ትላልቅ የአበባ አምራቾች ሀገር አንዷ ናት። የምሥራቅ አፍሪቃዊቷ አገር ኬንያ በተለይም እንደ ጎርጎራውያን አቆጣጠር ከ 1980ዎቹ ዓ.ም መጀመሪያ ጀምሮ የግብርና እና ልማት ክፍለ ኢኮኖሚዋን ለማሳደግ ትኩረት ከሰጠቻቸው ዓበይት ዘርፎች አንዱ የአገሪቱን የአበባ ምርት ኢንዱስትሪ እንቅስቃሴ ማሳደግ በዋናነት ተጠቃሽ ነው::

ዩናይትድ ስቴትስ በአልጀሪያ ለአምስተኛ ጊዜ ምርጫ እወዳደራለሁ ባሉት የ82 ዓመቱ ፕሬዚደንት ላይ የተጠናከረውን ተቃውሞ ከጀርባ ትደግፋለች። ከአልጀሪያ ጋር ለዘመናት ስሟ የተቆራኘ አንዲት ሀገር ግን ተቃውሞውን ዐይቶ እንዳላየ፤ ሰምቶ እንዳልሰማ «ጆሮ ዳባ ልበስ» ብላለች። ያቺ ሀገር ባንድ ወቅት አልጀሪያን ቅኝ የገዛችው አውሮጳዊቷ ፈረንሳይ ናት።