Als fastizs da «l'um nair» che ha mess en agitaziun il 2004 il vitg da Surrein.

Las famas èn qua per vegnir raquintadas. Ellas fascineschan la glieud e sa derasan fitg svelt. E sco ch'igl è tar las famas: Nagin na sa, sch'ellas constattan propi u betg. Quai dat spazi per blera interpretaziun e fantasia. E magari sa sviluppa ina da quellas famas en ina moda e maniera uschè bizarra ch'ella po svegliar ina temuna en la societad.

Il schaner 2004 è quai daventà realitad a Surrein pervia da «l'um nair». Tar la fama sa tracti d'in um vestgì en nair che saja ì da notg tras las vias a Surrein e duaja avair tementà dunnas ed uffants. Mo gia il patratg ch'ins pudess entupar el ina saira haja fatg pigliar tema la glieud, uschia che blers n'han betg pli gughegià dad ir la notg tras las vias. 16 onns pli tard sa metta Lukas Quinter als fastizs da «l'um nair» e sveglia las regurdientschas dals abitants per guardar, sche l'um misterius è mo stà fantasia u tuttina realitad.

Repetiziun dal schaner 2021. Durant la stad preschenta la «Marella» er quest onn inquala perla radiofonica ord noss archiv.