Ils 22 d'october elegia la Svizra in nov parlament. Var 5,5 milliuns persunas èn clamadas a l'urna, bleras vegnan a desister – la participaziun ad elecziuns naziunalas importa dapi decennis main che 50%. Mo daco, e tgi va insumma anc ad eleger?

Gnanc la mesadad da las persunas cun il dretg d'eleger na vegn probablamain a participar quest atun a las elecziuns naziunalas. Tar la giuventegna è la participaziun anc bler pli bassa. Vitiers vegnan bleras e blers che na dastgan betg ir ad eleger, malgrà ch'ellas u ch'els avessan forsa schizunt gust.

Ma daco è quai uschia? Tge facturs èn decisivs per ch'ina persuna decida da votar e d'eleger, u betg? La Marella emprova da dar ina resposta sin questas dumondas, tematisescha la digren d'electuras ed electurs e tgi sa, forsa po ella schiziunt motivar ina u l'autra da tuttina ir ad eleger l'october.