#tnpolice #mkstalin #lawandorder #dmk #elangovanexplains #vikatan தஞ்சாவூரில் நடுக்காவேரி காவல் நிலையத்தில் தினேஷ் என்பவரை பொய் வழக்கு போட்டு கைது செய்துள்ளார் இன்ஸ்பெக்டர் சர்மிளா. 'என் தம்பி எந்த தப்பும் செய்யாதவர். அவரை விட்டுடுங்க' என அவருடைய இரண்டு சகோதரிகளும் கெஞ்சியும், கண்டுகொள்ளவில்லை. ஒருகட்டத்தில் விஷம் குடித்துள்ளனர். ' என்ன நாடகமாடுறீங்களா...? செத்தா சாவுங்க' என சாதிய வன்மத்தோடு பேசியுள்ளார் இன்ஸ் சர்மிளா.கிட்டத்தட்ட அரை மணி நேரமாக உயிருக்கு போராட, கடைசியாக அக்கம் பக்கத்தினர் வந்து 108 ஆம்புலன்ஸ்க்கு கால் செய்தனர். பெரிய மருத்துவமனைக்கு அழைத்து சென்றனர். ஆனாலும் சிகிச்சை பலனில்லாமல் ஒரு சகோதரி கீர்த்திகா மரணம் அடைந்தார். அந்த குடும்பத்தில் முதல் தலைமுறை பட்டதாரி. அரசு அதிகாரியாக வேண்டும் என கனவோடு டிஎன்பிஎஸ்சி தேர்வுக்கு தயாராகி வந்தவர். அவர் கனவை தான் சிதைத்துள்ளது காவல் நிலையம்.காவல்துறையை கையில் வைத்திருக்கும் முதல்வர் மு.க ஸ்டாலின், இவையெல்லாம் தடுக்க என்ன நடவடிக்கை எடுக்க போகிறார்?

பாஜகவின் புதிய தலைவராக நயினார் நாகேந்திரன் தேர்வு செய்யப்பட்டுள்ளார். அவர் முன்பு இருக்கின்ற ஐந்து முக்கியமான சவால்கள். இன்னொரு பக்கம் செயல் தலைவராக அன்புமணியை Depromote செய்துள்ளார் ராமதாஸ். அதையொட்டி குடும்பத்துக்குள்ளும் பெரும் புகைச்சல்கள். குறிப்பாக அன்புமணி வீட்டில் நடந்த முக்கியமான மீட்டிங் அதில் பெரியவருக்கு எதிராக கருத்து சொல்ல வேண்டும் நடவடிக்கை எடுக்க வேண்டும். பாமகவின் சட்ட விதிகளின்படி அப்படி தன்னிச்சையாக முடிவெடுக்க முடியாது என அன்புமணியிடம் ஆதரவாளர்கள் கொந்தளித்தனர். இப்போதைக்கு வேண்டாம் என்றும் அன்புமணி தெரிவித்துள்ளார். அதே நேரத்தில் குடும்பத்துக்குள்ளும் ராமதாஸின் மகள்கள் இந்த பிரச்சினையை சுமூகமாக முடித்துக் கொள்ள வேண்டும். கட்சி முக்கியம் என அப்பாவிடம் கேட்டுள்ளனர் தற்போது சமாதான முயற்சிகளும் நடந்து வருகிறது. இரண்டு தரப்பிடமும் ஒரு தூது குழு பேசி வருகிறது. குறிப்பாக அரசியல் ரீதியாக பாஜகவுடன் கூட்டணி வேண்டாம் என்கிற முடிவில் உறுதியாக உள்ளார் ராமதாஸ். அதையொட்டியும் பேச்சுவார்த்தை நடந்து வருகிறது.

அமித்ஷாவும் எடப்பாடியும் ஒரே மேடையில் ஏறி அதிமுக -பாஜக கூட்டணியை உறுதிப்படுத்தியுள்ளனர். ஏப்ரல் 10 இரவில் இருந்து ஏப்ரல் 11 இரவு வரை 24 மணி நேர பரபரப்பு மினிட்ஸ். தொடக்கத்தில் எடப்பாடி முரண்டு பிடிக்க உள்ளே சில கண்டிஷன்ஸ் இருந்தது என்றும் தகவல். அதை அமித்ஷா சரிகட்ட, அட்லாஸ்ட் கூட்டணி உறுதியானது. எடப்பாடியின் அந்த முக்கிய கண்டிஷன் 'அண்ணாமலை-யின் பதவி மாற்றமா?' இன்னொரு பக்கம் மு.க ஸ்டாலின் தூக்கத்தை கெடுத்தவராக மாறிப் போயிருக்கும் பொன்முடி. அவருடைய சமீபத்திய அருவருக்கத்தக்க பேச்சு, பெரும் நெருக்கடியை திமுகவுக்கு கொடுத்துள்ளது. அவருடைய கட்சிப் பதவியை அதிரடியாக பறித்துள்ளார் மு.க ஸ்டாலின்.

'அன்புமணி இனிமேல் செயல் தலைவராக நீடிப்பார் நானே பாமகவின் தலைவர்' என அதிரடியாக அறிவித்துள்ளார் ராமதாஸ். இது பாமகவுக்குள் பெரும் புயலை கிளப்பியுள்ளது. ஏன் அவர் பதவியை பறித்தார்? பின்னணியில் மருமகன் முகுந்தனுடன் ஏற்பட்ட உரசல், பாஜகவுடன் கூட்டணி, அமித் ஷாவை சந்திக்க முயற்சி என பல காரணங்கள் பேசப்படுகிறது. அதே நேரத்தில் சமீப காலமாக திராவிட கட்சிகளுக்கு குறிப்பாக திமுக அரசுக்கு ஆதரவாக சில பதிவுகளையும் போட்ட ராமதாஸ். இதையொட்டி அன்புமணி டீம்க்கு ஏற்பட்ட டவுட். இந்த வகையில் பெரும் புயலாக வீசிக்கொண்டிருக்கிறது அப்பா-மகனுக்கு இடையிலான அதிகார போட்டி. இன்னொரு பக்கம், அமித் ஷா-வின் சென்னை வருகை. பாஜக தலைவர் பதவி, கூட்டணி விவகாரம் என மிட்நைட்டில் பல்வேறு பரபரப்பு சம்பவங்கள் காத்திருக்கிறது என்கின்றனர் பாஜக வட்டாரத்தினர்.

கே என் நேரு அவர் சகோதரர் உள்ளிட்ட பல்வேறு இடங்களிலும் இ.டி ரெயிடு நடத்தியது. பின்னணியில் எடப்பாடி, அமித்ஷாவிடம் தந்த ஆறு மந்திரிகளுடைய ஃபைல்கள் என்றும் தகவல் .

இன்னொரு பக்கம், திமுகவுக்கு எதிராக முழக்கங்களை வைத்து புது பரப்புரையில் ரூட் எடுத்து இருக்கும் எடப்பாடி. அதிரடி... ஆக்சன் ரூட் என்கிறார்கள் அதிமுகவினர். டார்கெட் டெல்லி...சம்பவம் செய்யும் ஸ்டாலின். புதிய திட்டம் வகுத்துள்ளதாக தெரிவிக்கிறார்கள். இதற்கிடையே இரண்டு ஆண்டுகளாக தலைமறைவாக இருந்த செந்தில் பாலாஜி சகோதரர் அசோக்குமார் நீதிமன்றத்தில் ஆஜராகி உள்ளார். அவர் மீது என்ன வழக்கு? ஏன் ஆஜரானார்?

'ஆளுநர் ஆர்.என் ரவி 10 மசோதாக்களை நிறுத்தி வைத்தது சட்டவிரோதமானது' என உச்ச நீதிமன்றம் தீர்ப்பு. ஆர்.என் ரவிக்கு பேரிடியாக மாறி உள்ளது. இன்னொரு பக்கம் மகிழ்ச்சியில் மு.க ஸ்டாலின்... அப்செட்டில் அமித்ஷா. குறிப்பாக இந்த தீர்ப்பை, அகில இந்தியளவில் 'திமுக-வின் வெற்றியாக கொண்டு செல்ல ஸ்டாலின் திட்டம். பாஜகவை ஒவ்வொரு மாநிலத்திலும் அம்பலப்படுத்தவும் திட்டம். தமிழ்நாட்டில் திமுகவுக்கு எதிராக, பாஜக அட்டாக் செய்ய நினைத்த வேளையில், இது எதிர்பார்க்காத பேரிடியாக மாறி உள்ளது. இன்னொரு பக்கம் டாஸ்மாக் வழக்கில், தமிழ்நாடு அரசுக்கு, கண்டனங்களை பதிவு செய்துள்ளது உயர் நீதிமன்றம். என்ன நடந்தது?

'பாஜக தலைவர் ரேஸில் நான் இல்லை' என தெரிவித்துள்ளார் அண்ணாமலை. ஓப்பனாக இப்படி சொன்னாலும், உள்ளுக்குள் தலைவர் பதவியில் இருந்து மாற்றக்கூடாது என பல்வேறு ரூட்டுகளில் முயற்சிகளை எடுத்தும் வருகிறார் ஆனாலும் மாற்ற வேண்டும் என்பதில் அமித்ஷா உறுதியாக இருக்கிறார். முக்கியமாக லேட்டஸ்ட்டாக வந்திருக்கும் ஓர் சர்வே ரிப்போர்ட். அதே நேரத்தில் அதிமுக - அண்ணாமலை இந்த பிரச்சனையை சரி செய்ய நிர்மலா சீதாராமன் மூலம் சில முயற்சிகளையும் எடுத்துள்ளனர். இதற்கிடையே அண்ணாமலைக்கு ஒரு முக்கியமான ஆஃபர் கொடுக்க, அதற்கும் நோ சொல்லிவிட்டார் என்றும் தகவல். அங்கே அப்படி என்றால் இங்கோ முன்னாள் அமைச்சர் ஜெயக்குமாருக்கு வலை விரிக்கும் திமுக. காரணம் அமித்ஷா விவகாரம் என்கிறார்கள். இதற்கு ஜெயக்குமார் தரப்பில் சொன்ன பதில் என்ன? அடுத்து, தமிழ்நாட்டுக்கு வரும் மோடி. அவர் குறித்த டாக்கை மாற்ற, ஏழு முக்கிய அஸ்திரங்களை எடுத்து இருக்கிறார் மு.க ஸ்டாலின்.

வக்ஃபு சட்ட திருத்த மசோதா இரண்டு அவைகளிலும் நிறைவேற்றப்பட்டுள்ளது. அதே நேரத்தில் இதற்கு எதிராக மாநிலங்களவையில் தங்கள் வாக்கை பதிவு செய்துள்ளது அதிமுக. பாஜகவுடன் கூட்டணியில் நெருங்கும் இந்த வேளையில் ஏன் இதை எதிர்க்கின்றனர்? பின்னணியில் எடப்பாடி தட்டிவிட்ட மெசேஜ் உள்ளது என்கிறார்கள். இன்னொரு பக்கம் மிட்நைட்டில் கிடைத்த மெசேஜ். ரூட்டை மாற்றி ஏழு மணி நேரத்தில் பதிலடி கொடுத்த மு.க ஸ்டாலின். இவர்களுக்கு இடையில் நான்கு அஜெண்டாக்களோடு பாஜகவை டார்கெட் செய்யும் விஜய். எல்லோரையும் எப்படி எதிர்கொள்கிறது பாஜக. குறிப்பாக அமித்ஷா தன்னுடைய வியூகங்களை மாற்றி ஆடத் தொடங்கியுள்ளார். இறுதியில் அடி இடி அரசியல் பதிலடி.

அமித்ஷா ஏறக்குறைய கூட்டணியை உறுதிப்படுத்தினாலும், இன்னும் அதை உறுதிப்படுத்தாதவராக இருக்கிறார் எடப்பாடி. பின்னணியில் நான்கு புது டிமாண்ட்களை முன் வைத்துள்ளார். அதே நேரம், 'எடப்பாடி-யை நம்ப வேண்டாம்' என போட்டுடைத்து இருக்கிறார் அண்ணாமலை. இதையொட்டி, அண்ணாமலையே பாஜக தலைவர் பதவியில் நீடிக்க வாய்ப்புகள் அதிகம். இன்னொரு பக்கம் திமுக கூட்டணிக்குள்ளும் குழப்பங்கள். குறிப்பாக சிபிஎம் கம்யூனிஸ்ட் கட்சி சில செக்குகளை வைத்துள்ளது. மதுரை மாநாட்டின் மூலமும் சில சிக்னல்கள் காட்டப்பட்டுள்ளது. இதை சரிகட்டவே, ஸ்டாலினும் காரல் மார்க்ஸ்க்கு சிலை அமைத்து தரப்படும் என அறிவித்துள்ளார்.

பரபரப்பாக செல்கிறது கூட்டணிகளைச் சுற்றிய கேம்.

சமீபத்தில் அமித்ஷாவை எடப்பாடி சந்தித்தபோது, 'அதிமுகவை எந்த அளவுக்கு மோசமாக பேசியுள்ளார்' என்கிற வீடியோ எவிடன்ஸை கொடுத்தார். அதிர்ச்சி அடைந்த அமித்ஷா, அதன் பிறகே அண்ணாமலையை மாற்றும் ஆக்ஷனிலும் இறங்கினார்.அதிமுக ஆதரவு கிடைக்கும் போது பாஜகவின் வெற்றி எளிது என கணக்கிட்டு தான், அனுசரித்து செல்கிறார் அமித் ஷா என்கிறார்கள். இதனால் அண்ணாமலையின் தலைவர் பதவி பறிபோக வாய்ப்பு. புதிய தலைவரை தேர்வு செய்யும் வேலைகளும் மறைமுகமாக நடந்து வருகிறது. ரேஸில் பலர் இருந்தாலும், நயினார் நாகேந்திரன் - வானதி சீனிவாசனுக்கும் இடையே கடும் போட்டி. சவுத்தை டார்கெட் செய்து நயினாரும், விஜயை டார்கெட் செய்து வானதியும் ரேசில் ஓடுகின்றனர். இதில் அமித்ஷா கொடுக்கப் போகும் சர்ப்ரைஸும் உள்ளது என்கிறார்கள். அதே நேரத்தில், அண்ணாமலையின் அடுத்த கட்ட நகர்வு எதை நோக்கி? அவருக்கு புதிய பதவி காத்திருக்கிறதா? இல்லை ஹோல்டில் வைக்கப் போகிறதா டெல்லி ? 'ஏப்ரல் 6' மோடி தமிழ்நாட்டுக்கு வருகிறார். அதன் பிறகு கமலாலயத்தில் பல்வேறு அதிரடிகள் காத்திருக்கிறது என்கிறார்கள்.