תניא שיעור אין אידיש - Yiddish Tanya Shiurim - שיעורים בספר התניא

די לבושים פונעם נפש הבהמית. די צוויי מדריגות אין קליפות. ג' קליפות הטמאות לגמרי. די חסידים פרעגן דעם מיטעלן רבי'ן וויאזוי ער פארשטייט צו די ענינים פון קליפות צו וועלכע ער האט דאך נישט קיין שייכות. דער בחור וואס האט חוזר געווען בתשובה דורכ'ן תניא. דער אינגערמאן בעהט א תיקון אויף הרגשת הישות - די פיהלע נעמען פונעם יצר הרע. דער מתנגד דער פרוש מיט זיינע סיגופים. דער זון וואס שיינט אריין אינעם בית הכבוד. ר' איטשע דער מתמיד און ר' לוי'ק זצ"ל. סיכום און איבערזיכט אויף פרק ו'.

די חיות וואס די סטרא אחרא באקומט איז אויך פון קדושה אבער אינגאנצן אנדערש און פיעל נידריגער. דער ענין פון עילה ועליל פארברייטערט. פארוואס אונזער וועלט ווערט אנגערופן א וועלט פון קליפות און סטרא אחרא. וואס איז דער טייטש פון עשר ספירות און סדר השתלשלות.

פארווארט צום זעקסטן פרק. די צעהן כוחות פונעם נפש פון די נפש הבהמית פון די סטרא אחרא. מידות און שכל - וועלכע איז פריער. די זעלבע לבושים איז דא אויך פארהאן. וואס מיינט סטרא אחרא. דער אויבערשטער רוהט נאר אויף איינעם/עפעס וואס איז בטל צו אים.

המשך מעלת השגת התורה. נישט נאר איז פארשטיין תורה העכער פון אלע מצוות, נאר האט אויך די חשיבות פון אלע מצוות אליין - סיי מזון און סיי לבוש. א סיפור פונעם צמח צדק ווי ער העלפט און באַפרייט אַן עגונה דורך תורה לשמה. אַן עובדא פון א תלמיד פון מגיד ביי די מתנגדים. דער אלטער רבי ענטפערט פארוואס ער גייט אויף מעזריטש און נישט צו ווילנא וואס איז פיהל נענטער. ר' שמואל מונקעס כאַפט א היטש קיין ליאזשנע און לערנט א הוראה אין עבודת השם. א ליטווישע רב האט קשיות אין חסידות. ר' יואל כהן'ס שיעורים אין די ליטווישע קרייזן און א בחור'ל וואס קומט צוריק צום חסידישן אָפּשטאַם - ווייל ישראל ואורייתא וקובּ"ה כולא חד. דער אינגערמאן וואס האט געלערנט פאר די קעצעלע. סיכום און איבערזיכט אויף פרק ה'.

לית מחשבה תפיסא בי' - דעם אויבערשטן קען מען נישט תופס זיין. אבער דורך תורה קען מען אים יא תופס זיין. דער שכל איז תופס און מקיף דעם מושכל וואס איז מלובש אינעם שכל. אזוי אויך איז דער שכל אנגעטוהן און ארומגענומען מיטן מושכל. א דבר תורה/הלכה איז דעם אויבערשטענס רצון אפילו אויב ס'איז לכאורה קיינמאל נישט נוגע. דאס איז א יחוד וואס איז נישט פארהאן איר גלייכן. די מעלה פון פארשטיין לערנען און השגת התורה איבער אלע אנדערע מצוות אריינגערעכנט דיבור אין תורה. אלע מצוות זענען לבושים פאר די נשמה אבער תורה איז די מזון - אויב מ'לערנט תורה לשמה.

איבערזיכט אויף פרק ד' אין קורצן. די צעהן בחינות פון נפש מיט אירע דריי לבושים פון תורה ומצוות. די מעלה פון די לבושים. דער בעש"ט זי"ע היילט א איד בגשמיות דורך זיין רוחניות. א מיליאן דאלער דיעל - מיט נאך צעהן סענט. וויאזוי טאקע קען א מוגבל'דיגער נברא זיך מדבק זיין מיט'ן בורא וואס איז אין סוף. סדר השתלשלות - אזויווי וואסער - פון תורה. יפה שעה אחת בתשובה. דער חסיד וואס איז אוועק פון צופיל אתכפיא. ר' יחיאל המלמד און זיינע דאגות. צוויי נשמות טרעפן זיך אויפן וועג. די מעשה פונעם מהר"מ מ'רוטנבורג און די אויספיר פון ר' הילל פּאַריטשער. דער סוחר פארט אויף לייפציג דורך פראנקפורט. מעין עולם הבא/הזה אין מירון.

די לבושים - דהיינו מחשבה דיבור ומעשה פון תורה ומצוות - זענען די חכמה און רצון פונעם אויבערשטן אליינס. ער מיט זיין חכמה און ווילן זענען דאך איינס. ער האט קאנצעטרירט חכמתו ורצונו אין תורה ומצוות. תורה איז געגליכן צו וואסער וואס דאס אליינס - נישט א שיין אדער אָפּשפיגעלונג - קומט אראפ פון די הייעך צו נידריגערע ערטער. פאר דעם איז בעסער א שעה תשובה ומעשים טובים אויף די וועלט פון גאנץ עולם הבא. אפילו ס'איז 'נאר' מלובש אין גשמיות, איז עס ווי איינער נעמט ארום - און ווערט ארומגענומען פון - דעם קעניג אליינס כאטש די קליידער זענען מפסיק.

יראה איז דער שורש פון קיום שס"ה מצוות לא תעשה. עטליכע מדריגות אין יראה. וועלכע איז העכער - די לבושים אדער דער נפש. וויאזוי זענען די לבושים העכער.

די דריי לבושים פונעם נפש - מחשבה דיבור ומעשה. די תרי"ג נשמה איברים אנטקעגן די 613 איברים פונעם מענטש. דער לבוש פון שכל איז מחשבה. מדות איז מלובש מיט דיבור ומעשה - אהבה מיט מצוות עשה און יראה מיט מצוות לא תעשה. וויאזוי דרוקט זיך אויס אהבה - און די שייכות - מיט דיבור ומעשה.