Todos os podcast | A penaltis

Tito Lesende traenos en primicia "O mundo ao revés" que publican os muradáns Deleiba. Tamén escoitamos o novo ddos vigueses Sila Lúa, "Danzas de amor y veneno", e Pablo Lesuit, "Me equivoqué". Para rematar: "El cuarto dorado", de Cora Velasco.

Moncho lemos danos a súa opinión sobre "Babygirl", o thriller erótico de Halina Rejin que protagoniza Nicole Kidman e no que tamén intervén Antonio Banderas

Máis de 20 artistas colaboran no primeiro álbum que publica Peter Petrowski baixo o seu nome. 'All Stars' celebra dez anos na música do produtor e beatmaker porriñés e inclúe 11 cancións nas que participan artistas como Hugo Gz, Nadie González, MJ Pérez, Flow do Toxo, García MC ou Nuria Vil.

En setembro Mafalda, o legado máis popular do debuxante arxentino Quino, cumpriu 60 anos. Manel Cráneo explícanos como esta persoaxe chegou a ser unha icona universal.

Mónica descríbenos a exposición "Brilla arenoso y dorado" de Cristina Mejías na galería Nordés da Coruña. A artista andaluza, galardonada co premio aos novos talentos de ARCO, amosa creacións cargadas de simbolismo realizadas con materias naturais que evocan a artesanía.

Pablo Sánchez comenta os primeiros concertos do ano en Galicia: o da Real Filharmonia interpretando o "Peer Gynt" de Eduard Grieg, e o da Sinfónica de Galicia e a Orquestra Xove tocando a "Sinfonía Alpina" de Richard Strauss e o "Concerto para piano en sol maior" de Ravel.

Presentamos Los Tónikash, unha banda de Pontevedra que fai música country e canta en inglés. Escoitamos o último EP gravado por este trio formado por Toño Caballero, Javi Rodríguez e Charli Pereiro.

Afonso Becerra tenta describirnos o traballo de creación artística de Ana Vallés, a dramaturga, actriz e poeta visual ferrolá galardonada coa Medalla de Oura das Belas Artes que outorga o Ministerio de Cultura.

Tito Lesende repasa a programación da sala Capitol de Santiago, a sala galega que ofrece máis concertos. Soan Ortiga, Baiuca, Loita Amada e Tarque.

Moncho Lemas comenta as dúas últimas estreas de películas españolas: "Desmontando un elefante", unha cinta sobre os tabús das adiccións protagonizada por Enma Suárez, e "A metade de Ana", un drama dirixido por Marta Nieto.