Todos os podcast | A penaltis

Gli Incogniti abría o Festival de Música Cidade de Lugo. 51 Semana de Música do Corpus que ata o 1 de xuño programa oito concertos. Falamos co secretario da Sociedade Filarmónica de Lugo, José Luís Díaz.

Con Dolores Vilavedra falamos da obra 'O teu perfil na miña sombra', de Rexina Vega.

Regresamos ás pinturas da viguesa Menchu Lamas, a precursora que nos anos 80 estableceu os primeiros lazos entre modernidade e tradición, entre o abstracto e o figurativo. A galería Luisa Pita de Santiago acolle unha escolma de obras de Menchu Lamas dos últimos 5 anos. Cadros de grandes formatos nos que as formas circulares e a pulsión xeométrica volven adquirir protagonismo.

Con Emilio Españadero repasamos os principais premiados dos Premios Martín Códax: Os Melidaos, Caamaño & Ameixeiras, Miudiño Sessions, A Arca da Noe... e un avance do próximo 'Lume na palleira'!

Imos somerxernos no fondo do mar para descubrir bosques de algas a través da mostra "Retrato dun bosque de laminarias", da artista viguesa Elena Alonso. Unha exposición na que combina pinturas coloristas, vídeo e realidade aumentada para poñer en valor estes ecosistemas mariños e concienciar sobre a súa conservación.

15 artistas no programa da quinta edición do Festival Plataforma que se desenvolve en distintos espazos Santiago ata o 25 de maio. Falamos con Mónica Maneiro

Con Moncho Lemos repasamos as principais novidades da carteleira: 'Disco, Ibiza, Locomía, dirixida por Kike Maíllo; e 'Calladita', de Miguel Faus

O Museo de Pontevedra revisa a súa colección no ciclo Infiltracións que abre a artista Mónica Alonso coa mostra “A pel do museo”. Falamos con Monica Alonso e Iñaki Martínez Antelo, comisario do ciclo.

Con Luís Miguel Crespo repasamos os vindeiros concertos da Real Filharmonía de Galicia e da Orquesta Sinfónica de Galicia.

Comeza na cidade de Porto un dos festivais máis relevantes do calendario peninsular. O FITEI acompaña nesta edición os 50 anos do 25 de abril. Falamos co director do Festival, Gonçalo Juncal Amorim